სასჯელაღსრულებისა და პრობაციის სამინისტროს N17 პენიტენციური დაწესებულების მსჯავრდებულმა ჯ.ზ. ჰორიზონტალურ ძელზე ცალი ფეხით ჩაჯდომაში მსოფლიო რეკორდი დაამყარა.

სასჯელაღსრულებისა და პრობაციის სამინისტროს ინფორმაციით, მან იტალიელი სილვიო საბას რეკორდი გააუმჯობესა და წუთში 37 ჩაჯდომა განახორციელა.

უწყების ცნობით, სპორტული ღონისძიება საქართველოს რეკორდების ფედერაციის ორგანიზებითა და სასჯელაღსრულებისა და პრობაციის სამინისტროს მხარდაჭერით განხორციელდა, რომელსაც დაწესებულების ადმინისტრაციის წარმომადგენლები, მსაჯები და მსჯავრდებულებიც დაესწრნენ.

რეკორდების ფედერაციის პრეზიდენტის დავით ბეგიაშვილის თქმით, ჯ.ზ.  დღესდღეობით ერთადერთი მსჯავრდებულია, რომელმაც სასჯელაღსრულების დაწესებულებაში  მსოფლიო რეკორდი დაამყარა.

„დღეს უკვე მეოთხე რეკორდი დავაფიქსირეთ N 17 პენიტენციურ  დაწესებულებაში. მსჯავრდებულს მსოფლიო რეკორდის გადაჭარბებისთვის  წუთში 30-ზე მეტი ჩაჯდომა უნდა დაეფიქსირებინა და  რეზულტატად  37 ჩაჯდომა მივიღეთ. შედეგი პოზიტიურია  და ამით  მან  იტალიელი სილვიო საბას რეკორდი გააუმჯობესა ,“- განაცხადა დავით ბეგიაშვილმა.

მსოფლიო რეკორდსმენი მსჯავრდებული ჯ.ზ. საკუთარი შედეგების გაუმჯობესებას მომავალშიც აპირებს რისთვისაც   ვარჯიშს   აქტიურად გააგრძელებს.

სპორტული ღონისძიების დასასრულს საქართველოს რეკორდების ფედერაციამ მსჯავრდებულ ჯ.ზ.  მსოფლიო რეკორდის დაამყარებისთვის სერთიფიკატი გადასცა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ალიევმა გაათავისუფლა საფრანგეთის ორი მოქალაქე რომლის გამოც ორი რუსი ოლიგარქი სანქციების სიიდან ამოიღეს

80 000-მდე აბონენტს, მათ შორის თბილისის რამდენიმე უბანს, მცხეთას, ნატახტარს, წიწამურსა და წეროვნის დევნილთა დასახლებას, წყალმომარაგება 36 საათით შეეზღუდება

გორდულაძე – ევროკავშირში უნდა აწყობდეთ, რომ ჩიხში შესული ურთიერთობებიდან გამოსავალი თავადვე მოძებნონ

წითლიძე- აფხაზეთში ჯერ კიდევ არის რუსული ნარატივი, რომ აფხაზებსა და ქართველებს შორის უნდა იყოს მტრობა