„სამოქალაქო პლატფორმა - ახალი საქართველოს“, ახალი პოლიტიკური ცენტრი „გირჩისა“ და პარტია „ახალი მემარჯვენეების“ ერთ ბლოკად გაერთიანების გადაწყვეტილებას ექსპერტი გია ხუხაშვილი არასერიოზულს უწოდებს და აცხადებს, რომ ამით არჩევნებზე მათი შედეგები მნიშვნელოვნად არ შეიცვლება.

როგორც ხუხაშვილმა "ექსპრესნიუსს"  განუცხადა, გიორგი ვაშაძისა და გოგა ხაჩიძის არა, მაგრამ "ახალი მემარჯვენეების" ამ ნაბიჯმა გააკვირვა, რადგან ფიქრობს, რომ "მემარჯვენეებს" დიდი  გამოცდილებიდან გამომდინარე, პოლიტიკაში  პრაგმატული ხედვა უნდა ჰქონდეთ:

"ეს არის კლასიკური შემთხვევა, რომელზეც  შეიძლება ითქვას, რომ მკვდარი მკვდარს აეკიდაო, რადგან თითო  კაცმა პარტია შექმნას, შემდეგ   გაერთიანდნენ და ბლოკი დაირქვან, მართლა არასერიოზულია.ფაქტია, რომ არც ერთ ამ პარტიას არ აქვს ელექტორალური ბაზა, შესაბამისად, ისინი ერთად იქნებიან, თუ ცალ-ცალკე, ამან პროცენტის მეათედებში შეიძლება მოგცეს სხვაობა და რეალურად არაფერს იძლევა. თავიდან იყო მათი მხირდან არაადეკვატური გასვლა და იმის ილუზია, რომ ისინი რაღაც ლიდერებად ჩამოყალიბდნებოდნენ,  იყო შეცდომა. ეგონათ, რომ "ნაციონალური მოძრაობის" გარეშე ისინი რაღაცნაირად წარმატებას მიაღწევდნენ. გამიკვირდა ახალი მემარჯვენეების  ეს ნაბიჯი, რადგან  მათ  სულ სხვა კონფიგურაციაში  ვხედავდი, გამოცდილება აქვთ და გარკვეული  პრაგმატული ხედვა პოლიტიკაში უნდა ჰქონდეთ. აარჩიო უპერსპექტივო პარტიები,  სამი იქნებიან თუ ცალ-ცალკე,  ამას დიდი  მნიშვნელობა არ აქვს, ეს არ მიმაჩნია სერიოზულ ნაბიჯად. მათგან  არის გასაკვირი, თორემ ვაშაძისგან და ჯაფარიძისგან არ მიკვირს, რადგან მათ არ აქვთ პოლიტიკური გამოცდილება და შეიძლება ვირტუალურ სამყაროში ცხოვრობდნენ",-აღნიშნა გია ხუხაშვილმა.

კითხვაზე-"ნაციონალური მოძრაობა"  პატ-პატარა პარტიებად თავის დამკვიდრებას ხომ არ ცდილობს, ხუხაშვილმა განაცხადა, რომ  ეს არ არის გაერთიანება, რომელიც "ნაციონალურ მოძრაობას" რაიმე დივიდენდს მოუტანს:

 "ეს "ნაციონალურმა მოძრაობამაც" კარგად იცის",-დასძინა ხუხაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გარდაიცვალა პუტინისტი და უკრაინული შოუ „X-ფაქტორის“ ყოფილი მოსამართლე სერგეი სოსედოვი

ირანის საგარეო საქმეთა მინისტრმა ევროპა გააფრთხილა აშშ-სა და ისრაელის მხარდაჭერის შედეგების შესახებ

ზელენსკიმ გაეროს გენერალური ასამბლეის ტრიბუნიდან რუსეთს ენერგეტიკულ სექტორზე საპასუხო დარტყმებით დაემუქრა

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს