„ნაციონალური მოძრაობის“ ერთ-ერთი ლიდერი გიგი წერეთელი გავრცელებულ ინფორმაციას წინასაარჩევნოდ საკონტიტუციო სასამართლოს თავმჯდომარის „ნაციონალური მოძრაობის“ სიაში მოხვედრასთან დაკავშირებით არ ადასტურებს.

როგორც „ექსპრესნიუსთან“ საუბრისას წერეთელმა განაცხადა, ამ ეტაპზე გიორგი პაპუაშვილმა  საკონსტიტუციო სასამართლოს ღირსება ბოლომდე უნდა დაიცვას.

„გიორგი პაპუაშვილის „ნაციონალურ მოძრაობაში“ გაწევრიანების შესახებ არანაირი ინფორმაცია არ გამიგია და მსგავსი ფაქტი არ არსებობს. მე ვფიქრობ, რომ პაპუაშვილი, რომელიც დღეს იცავს ერთ-ერთ უმნიშვნელოვანეს ინსტიტუსს და ამხელა შემოტევებს უძლებს, არ მგონია, ამწუთას ფიქრობდეს, რომელიმე პარტიის საარჩევნო სიაში მოხვედრას. მე ამას „ნაციონალური მოძრაობის“ კუთხით გამოვრიცხავ. მას ძალიან სერიოზული ამოცანა აქვს, მიუხედავად იმისა, რომ პაპუაშვილი ამ პოსტიდან მიდის, მან ბოლომდე უნდა დაიცვას საკონსტიტუციო სასამართლოს ღირსება. მან არ უნდა დაუშვას, რომ ხელისუფლებამ ამ ინსტიტუტის უზურპირება და დასუსტება მოახდინოს“, - აცხადებს წერეთელი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გარდაიცვალა პუტინისტი და უკრაინული შოუ „X-ფაქტორის“ ყოფილი მოსამართლე სერგეი სოსედოვი

ირანის საგარეო საქმეთა მინისტრმა ევროპა გააფრთხილა აშშ-სა და ისრაელის მხარდაჭერის შედეგების შესახებ

ზელენსკიმ გაეროს გენერალური ასამბლეის ტრიბუნიდან რუსეთს ენერგეტიკულ სექტორზე საპასუხო დარტყმებით დაემუქრა

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს