სოფლის მეურნეობის მინისტრის პირველი მოადგილე  ნოდარ კერესელიძე ბელარუსის რესპუბლიკის ინოვაციური კომპანიის „ბიოკომ ტექნოლოგი“  დირექტორს, გენადი გეცოლდის და კომპანიის წარმომადგენლებს შეხვდა.

სოფლის მეურნეობის სამინისტროს ინფორმაციით, შეხვედრას სოფლის მეურნეობის მინისტრის მოადგილეები იური ნოზაძე, დავით გალეგაშვილი, გოჩა ცოფურაშვილი და სურსათის ეროვნული სააგენტოს უფროსი ზურა ჩეკურაშვილი ესწრებოდნენ.

უწყების ინფორმაციით, მხარეებმა საქართველოში საქონლის საკვების წარმოებისა და რძის წარმოების გაზრდის შესაძლებლობები განიხილეს.

ნოდარ კერესელიძემ მეცხოველეობის დარგში ბელარუსის რესპუბლიკის გამოცდილების გაზიარების მნიშვნელობაზე ისაუბრა და აღნიშნა, რომ საქართველოში სოფლის მეურნეობის განვითრების სტრატეგიაში მეცხოველეობის დარგი პრიორიტეტულ მიმართულებად განისაზღვრა და თანმიმდევრულად ხორციელდება მნიშვნელოვანი ხელშემწყობი პროექტები.

შეხვედრაზე კომპანიის წარმომადგენლები სურსათის ეროვნული სააგენტოს საქმიანობას, მათ შორის, ვეტერინარიის მიმართულებით მიმდინარე ღონისძიებების ანგარიშს გაეცნენ.

„ბიოკომ ტექნოლოგიის“ წარმომადგენლებმა ქართულ მხარეს კომპანიის შესაძლებლობები და ახალი ტექნოლოგიები გააცნეს.

ვიზიტის ფარგლებში, კომპანიის წარმომადგენლები რეგიონებში ადგილობრივ ფერმერებს შეხვდებიან და მეცხოველეობის ფერმებს დაათვალიერებენ.  

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თბილისობა წელს 3 და 4 ოქტომბერს ქალაქის ხუთ ლოკაციაზე აღინიშნება

სურსათის ერვონულმა სააგენტომ ბაღების საკვებიდან ამოღებულ არცერთ ნიმუში დარღვევა არ დადასტურდა

ერთმა არასრულწლოვანმა, მოქალაქის კუთვნილი მოტოციკლი, ხოლო მეორემ მიკროავტობუსი გაიტაცა - პოლიციამ ექვსი არასრულწლოვანი დააკავა

საწვავი გაძვირებას განაგრძობს - პრემიუმი - ₾4.09, რეგულარი - ₾3.75, დიზელი - ₾4.87