ექსპერტი პოლიტიკის საკითხებში სოსო ცისკარიშვილი, გორის რაიონსა და ქარელში, „ქართული ოცნების“ მაჟორიტარი დეპუტატობის კანდიდატების წარდგენას ეხმაურება და აცხადებს, რომ „ოცნება“ პარლამენტში ძალის გამოსაყენებლად ემზადება.

როგორც ცისკარიშვილმა „ექსპრესნიუსთან“ საუბრისას აღნიშნა, საპარლამენტო საქმიანობა „ქართული ოცნების“ პრიორიტეტი არ არის.

„თუ „ქართულმა ოცნება“ შიდა ქართლის მაჟორიტარი დეპუტატების ნაწილი მოჭიდავეა, ძალაუნებურად, აზრი გადადის იმ ვითარებაზე, რასაც ჩვენ კორცხელის ინციდენტზე ვაკვირდებოდით. იქ, რამდენაც ვიცი, სერიოზული პასუხისმგებლობა სწორედ მოჭიდავეებს ეკისრებოდათ. როგორც ჩანს, „ქართული ოცნება“ პარლამენტის დარბაზში ძალის გამოსაყენებლად ემზადება. იქ მათ ზონდერების ჯგუფი ეყოლებათ. აღარ იქნება ისეთი ინციდენტები, როგორიც იყო კორცხელის შემთხვევა. ვინაიდან, წინასწარ ეცოდინება ყველას, რომ იქ არიან არა მანდატურები, არამედ ზონდერები. ეს ნახევრად ხუმრობით, მაგრამ ეს მიმანიშნებელია, რომ საპარლამენტო საქმიანობა „ქართული ოცნების“ პრიორიტეტი არ არის. მათ სავარძლები აინტერესებთ, რაც ქვეყნის მართვის მუდმივ შესაძლებლობას იძლევა. რაც მთავარია, პარლამენტარობა გახლავთ თავშესაფარი სერიოზული ბიზნესისთვის. ვერც მცირე და ვერც საშუალო ბიზნესი ვერ გაიხარებს თუ მისი მფლობელი არ არის პარლამენტარი“, - აცხადებს ცისკარიშვილი.

შეგახსენებთ, რომ მმართველმა გუნდმა შიდა ქართლში მაჟორიტარი დეპუტატობის კანდიდატები წარადგინა. ქარელში „ოცნების კანდიდატი“ 32 წლის მოჭიდავე გია თოთლაძეა, გორის რაიონში მმართველ გუნდს ყოფილი ძიუდოისტი თენგიზ ხუბულური წარმოადგენს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირანის საგარეო საქმეთა მინისტრმა ევროპა გააფრთხილა აშშ-სა და ისრაელის მხარდაჭერის შედეგების შესახებ

ზელენსკიმ გაეროს გენერალური ასამბლეის ტრიბუნიდან რუსეთს ენერგეტიკულ სექტორზე საპასუხო დარტყმებით დაემუქრა

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ