ექსპერტის ეკონომიკის საკითხებში ლევან კალანდაძის განცხადებით, თუ ქვეყანა შეძლებს, სავალუტო ნაკადების შემოდინების მაქსიმალურ შენარჩუნებას, სრულიად შესაძლებელია, ლარმა სტაბილურობის დღეს არსებული ნიშნული შეინარჩუნოს.

როგორც კალანდაძემ „ექსპრესნიუსს“ განუცხადა, ყველაფერი სავალუტო შემოდინებებზე იქნება დამოკიდებული.

„ლარის სტაბილურობისა და გამყარების უზრუნველსაყოფად რამდენიმე პირობის დაცვაა საჭირო. პირველ რიგში, ეს არის ქვეყანაში სავალუტო ნაკადის შემოდინებების შენარჩუნება უცხოური ინვესტიციების, ფულადი გზავნილებისა და ტურიზმის თვალსაზრისით. აღსანიშნავია, რომ იმპორტში ზრდა გვაქვს, ექსპორტში კი კლება. ეს არის რისკის შემცველი მაჩვენებელი.  ჩვენ გვაქვს ინფლაციის საკმაოდ დაბალი დონე, რაც ეკონომიკურ ზრდაზე ორიენტირებული პოლიტიკის განხორციელების საშუალებას იძლევა.ეროვნული ბანკი ასეც მოიქცა. როგორც მოგეხსენებათ, ორიოდე დღის წინ, მონეტარულმა კომიტეტმა კიდევ 0.5 პუნქტით დაწია განაკვეთი. ამას ემატება ისიც, რომ აგვისტო– სექტემბერი ტურისტული თვალსაზრისით აქტიური პერიოდია. ეს ნიშნავს, რომ ქვეყანაში სავალუტო შემოდინებები სტანდარტულ მდგომარეობაზე გაცილებით მეტია. საბოლოო ჯამში, ყველაფერი მაინც სავალუტო შემოდინებებზე იქნება დამოკიდებული“, - განაცხადა კალანდაძემ.

ამასთან, ექსპერტი აცხადებს, ლარის გამყარებასთან დაკავშირებული პროგნოზის გაკეთება რთულია.

„პირდაპირი უცხოური ინვესტიციების თვალსაზირისით, ჩვენ პირველ კვარტალში საკმაოდ ნორმალური მაჩვენებელი გვქონდა. მეორე და მესამე კვარტალში კი, წინა პერიოდებთან შედარებით, ზრდის გარკვეული დონე დაფიქსირდა. აქედან გამომდინარე, შესაძლებელია, ვისაუბროთ სტაბილიზაციის სასურველ დონეზე. გამყარებაზე საუბრისგან მე მაინც თავს შევიკავებ. ლარს დღეს წონასწორობის კურსი აქვს არჩეული, რომელიც ნაკლებად ასახავს იმ გამოწვევებს, რაც ქვეყანაშია“, - აღნიშნა კალანდაძე.

შეგახსენებთ, რომ გუშინ საქართველოს ფინანსთა მინისტრმა ნოდარ ხადურმა განაცხადა, რომ ლარი სტაბილურობისა და გამყარების ტენდენციას შეინარჩუნებს.

„მინდა გითხრათ, რომ ეს ძალიან ბევრ ფაქტორზეა დამოკიდებული. ჩვენ ვფიქრობთ, რომ ამ პერიოდის განმავლობაშიც და მომავალშიც ლარი სტაბილურობისა და გამყარების ტენდენციას შეინარჩუნებს“, - განაცხადა ხადურმა.

ამასთან, ეროვნული ბანკის პრეზიდენტმა კობა გვენეტაძემ აღნიშნა, რომ ეროვნული ბანკი პროგნოზს არ აკეთებს და მისი მთავარი ფუნქცია ფასების სტაბილურობის შენარჩუნებაა.

„ლარის კურსთან დაკავშირებით ადრეც მომიხსენებია. ეროვნული ბანკი არ აკეთებს პროგნოზს. მას ამასთან დაკავშირებით მაჩვენებელი არ აქვს. ბანკის მთავარი ფუნქცია ფასების სტაბილურობის შენარჩუნებაა, რასაც ვფიქრობ, რომ ბანკი ძალიან კარგად უმკლავდება“, - დასძინა გვენეტაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზატულინი -ევროკავშირი საქართველოს რუსეთის წინააღმდეგ „მეორე ფრონტის“ გახსნისკენ უბიძგებს

საქართველოში რუსეთის ინტერესების სექცია - ახალი პატრიარქის არჩევის შესახებ ამბავი რუსეთში დიდი ენთუზიაზმით მიიღეს

ავსტრიამ ორჯერ ჩაჭრა აშშ-ის საჰაერო ძალების თვითმფრინავები ფრენის ნებართვის გარეშე

ტელეკომპანია „დოჟდის“ მთავარ რედაქტორს ტიხონ ძიადკოს „ყალბი ამბების“ საქმეში რვა წლით თავისუფლების აღკვეთა მიესაჯა