საგარეო უწყება მიუნხენში მომხდარი თავდასხმის გამო მწუხარებას გამოხატავს

2016-07-23 13:12:37, 651 ნახვა

საზოგადოება

საქართველოს საგარეო საქმეთა სამინისტრო მიუნხენში მომხდარი თავდასხმის გამო მწუხარებას გამოხატავს.

ამის შესახებ უწყების განცხადებაშია აღნიშნული:

„საქართველოს საგარეო საქმეთა სამინისტრო ღრმა მწუხარებას გამოხატავს 2016 წლის 22 ივლისს, ქალაქ მიუნხენში, უდანაშაულო ადამიანებზე განხორციელებული თავდასხმის გამო, რის შედეგადაც დაიღუპა ცხრა და მძიმედ დაშავდა ოცზე მეტი მშვიდობიანი მოქალაქე.

საქართველოს საგარეო საქმეთა სამინისტრო თანაგრძნობას გამოხატავს დაღუპულთა და დაშავებულთა ოჯახებისა და ახლობლების მიმართ და ამ მძიმე განსაცდელის ჟამს სოლიდარობას უცხადებს გერმანიის ფედერაციული რესპუბლიკის მთავრობასა და ხალხს“, - ნათქვამია განცხადებაში.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან