ექსპერტი ეკონომიკის საკითხებში დემურ გიორხელიძეე ეროვნული ბანკის პრეზიდენტ კობა გვენეტაძის განცხადებას ეხმაურება და ამბობს, რომ საქართველოს მოქალაქეს დოლარი არაფერში სჭირდება.

როგორც გიორხელიძემ „ექსპრესნიუსს“ განუცხადა, საქართველოში ერთადერთი ვალუტა ლარი უნდა იყოს.

„ეროვნული ბანკის პრეზიდენტის დღევანდელი განცხადება არის ერთადერთი დამაიმედებელი, რაც ამ ბოლო პერიოდში გაჟღერდა. ეს ყველაფერი აქამდეც უნდა გაკეთებულიყო. საერთოდ საქართველოში დოლარის გამოყენება კრიმინალად უნდა გამოცხადდეს. საქართველოში ერთადერთი საბრუნავი ვალუტა ლარი უნდა იყოს. მოსაფიქრებელია იმის მოგვარება თუ რა უნდა მოვახერხოთ იმ ადამიანების დასახმარებლად, რომელთაც სესხებს დოლარებში ატენინდნენ. ამ ქვეყანაში მცხოვრებ მოქალაქეს დოლარი არაფერში ჭირდება. გვენეტაძეს ამ განცხადებაში თავიდან ბოლომდე მხარს ვუჭერ. ეს პროცესი აუცილებელია, სხვანაირად განადგურებულ პირას მყოფ ლარს ვერაფერს დავუპირისპირებთ. რაც უფრო ხისტად გაკეთდდება ეს, მით უფრო უკეთესია. ამ პროცესით ლარი ნელ-ნელა მოიპოვებს თავის ადგილს ქვეყანაში. ჩვენ უნდა გაგვაჩნდეს ჩვენი ვალუტა, რომელიც იქნება მოთხოვნადი“, - განაცხადა გიორხელიძემ.

შეგახსენებთ, გაზეთ „რეზონანსთან“ იინტერვიუში ეროვნული ბანკის პრეზიდენტმა კობა გვენეტაძემ განაცხადა, რომ მოსახლეობა უნდა შეეჩვიოს დოლარის გარეშე ცხოვრებას და მისთვის პრიორიტეტი ქართული ვალუტა უნდა იყოს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პოლიციამ მკვლელობის მომზადებისა და ე.წ ქურდული სამყაროს წევრობის ბრალდებით 3 პირი დააკავა, ხოლო ე.წ კანონიერ ქურდს ბრალი დაუსწრებლად წარედგინება

თიბისი ბათუმში ბრიტანული დღეების პარტნიორია

თეონა აქუბარდია - გაეროში კობახიძის გამოსვლა აჩვენებს, რომ საგარეო-პოლიტიკურ ენაში ევროინტეგრაცია და ოკუპაციის დასრულების დღის წესრიგი უკანა პლანზე გადადის

სუს-მა ტერორისტულ ორგანიზაცია ისლამურ სახელმწიფოში გაერთიანებისა და ტერორისტულ საქმიანობაში დახმარების ფაქტზე საქართველოს ორი მოქალაქე დააკავა