საპარლამენტო უმცირესობის წევრის გიგი წერეთლის განცხადებით, მმართველი გუნდის მიერ 4-წლის განმავლობაში შეუსრულებელ დაპირებებსა და ეკონომიკურ უკუსვლას ახალი სახეები ვერ შეცვლიან.

როგორც „ექსპრესნიუსს“ წერეთელმა განუცხადა, ყველა ეცდება, არა საკუთარ ძალებზე ისაუბროს, არამედ მუდმივ აქცენტს გააკეთებენ, რომ ისინი ივანიშვილის რჩეულები არიან.

„“ქართული ოცნების“ კანდიდატების საკითხი პარტიის გადასაწყვეტია. მთავარია ის პოლიტიკა, რომელიც ამ პარტიამ 4-წლიანი მმართველობის პერიოდში საქართველოში აწარმოა. ვფიქრობ, რომ ცალკე აღებული ერთი კანდიდატი ვერაფერს შეცვლის. აქ მთავარია ბიძინა ივანიშვილის ნება. ყველა ეცდება, რომ არა საკუთარ ძალებზე ისაუბროს, არამედ მუდმივ აქცენტს გააკეთებენ იმაზე, რომ ისინი ივანიშვილის რჩეულები არიან. ზოგს შეიძლება საზოგადოებაში უკეთესი იმიჯი გქონდეს, ზოგს უარესი, მაგრამ ყველა ერთი ვერტიკალის წარმომადგენელია და მე არ მგონია, ახალმა კადრებმა მოსახლეობას რაიმე მნიშვნელოვანი შესთავაზონ. რა მნიშვნელობა აქვს ქუთაისში ნარჩემაშვილი იქნება თუ ვინმე სხვა. საზოგადოება ყველა კანდიდატის უკან ბიძინა ივანიშვილს ხედავს. გამომდინარე 4 წლის განმავლობაში ქვეყნის ეკონომიკური და პოლიტიკური უკუსვლით, ახალი კადრები ვერფერს შეცვლიან“, - განაცხადა წერეთელმა.

ცნობისთვის, პარტიის თავმჯდომარე, გიორგი კვირიკაშვილმა ქუთაისში იმერეთის მაჟორიტარი დეპუტატობის კანდიდატებიწარადგინა. ესენია: გენადი მარგველაშვილი, დიმიტრი მხეიძე, კობა ნარჩემაშვილი, ცოტნე ზურაბიანი, შალვა კიკნაველიძე, ელგუჯა გოცირიძე, პაატა კვიჟინაძე, გრიგოლლილუაშვილი, სულხან მახათაძე, კობა ლურსმანაშვილი და გია მიქელაძე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო