საქართველოს პრეზიდენტმა სლოვენიაში ოფიციალური ვიზიტი შეაფასა და მას ქართულ-სლოვენიურ ურთიერთობებში ახალი ფურცელი უწოდა.

ამასთან, გიორგი მარგველაშვილმა სლოვენიის პრეზიდენტი საქართველოში დაპატიჟა:

"მე მინდა გაცნობოთ, რომ სლოვენია ყოველთვის ძალიან აქტიურად უჭერდა მხარს საქართველოს უმნიშვნელოვანეს სტრატეგიულ საკითხებზე, როგორიცაა ჩვენი ტერიტორიული მთლიანობა, ევროპული და ევროატლანტიკური არჩევანი, მაგრამ მინდა ასევე მოგახსენოთ, რომ არსებობს კიდევ ძალიან ბევრი სფერო, სადაც ჩვენ შეგვიძლია აქტიურად ვითანამშრომლოთ.

თავდაცვის სფეროში თანამშრომლობასთნ დაკავშირებით სლოვენიამ ვარშავის სამიტზევე გააკეთა განცხადება, არსებობს ეკონომიკურ, კულტურულ სფეროში თანამშრომლობის დიდი პოტენციალი.

შესაძლებელია  თანამშრომლობა იმ დიდი გამოცდილების გაზიარებით, რომელიც ჩვენი მსგავსი წარსულის მქონე ქვეყანას აქვს რეფორმირების, და ევროპულ და ევროატლანტიკურ სტრუქტურებში ინტეგრაციის გზაზე.

მე, დავპატიჟე სლოვენიის პრეზიდენტი. იქნება საპასუხო მაღალი დონის ვიზიტები ჩვენს ქვეყანაში, რაც გააღრმავებს ჩვენს ორ ქვეყანას შორის ურთიერთობებსაც და თანამშრომლობასაც საერთაშორისო არენაზე", - განაცხადა საქართველოს პრეზიდენტმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო