ექსპერტი ჩრდილო-კავკასიის საკითხებში მამუკა არეშიძე არ გამორიცხავს, რომ თურქეთში მიმდინარე ამბოხი ამერიკის შეერთებულ შტატებს აწყობდეს.

როგორც არეშიძემ „ექსპრესნიუსს“ განუცხადა, ამერიკას არ მოსწონს ის პოლიტიკა, რასაც თურქეთი ახლო აღმოსავლეთში ახორციელებს, ამიტომ შესაძლოა, პრეზიდენტ რეჯეფ ტაიფ ერდოღანის გადაყენება აშშ-ს ინტერესებში ყოფილიყო.

მისი თქმით, თურქეთში მიმდინარე მოვლენები შიდა პოლიტიკური პროცესია და საქართველოს არანაირ საფრთხეს არ უქმნის.

 „თურქეთში მიმდინარე მოვლენები საქართველოს არანაირ საფრთხეს არ უქმნის. ეს იყო თურქეთის შიდა პოლიტიკური ამბავი და ამბოხი უკვე ჩაახშეს.  მე მაინც მგონია, რომ თურქეთის არმიაში გადატრიალების მცდელობა ანტიისლამისტურმა ძალებმა მოაწყვეს. ის რაც თურქეთის არმიაში მოხდა, ეს უკვე დიდი ხანია მზადდებოდა. არმიის ოფიცრების უმეტესობას ამერიკაში აქვს სასწავლებელი დამთავრებული. გარდა ამისა, სერიოზული დაპირისპირებაა ორ ძალას შორის. ერთი არის ერდოღანისტები და მეორე გიულიანისტები.  შეიძლება, არმიის ერთი ნაწილის ამბოხში,  ამ ფაქტმაც ითამაშა თავისი როლი. დაპირისპირება არ მგონია, რომ თავად ერდოღანის მიერ იყოს მართული. გუშინ, ერთ მომენტში, დაახლოებით ორის ნახევრისთვის, ერდოღანის ბედი ბეწვზე ეკიდა. რომ არა ზოგიერთი სამედრო ნაწილის ხელმძღვანელის აქტიურობა, როგორ დამთავრდებოდა ეს ამბავი, კაცმა არ იცის. თუმცა, ჯერჯერობით, ყველაფერი მაინც გამოსაკვლევია თუ რა და როგორ მოხდა. ჩემი ინფორმაციით, რამოდენიმე სამხედრო ნაწილის მეთაურმა, რომელიც ამ პროცესებში ჩართული იყო, ბოლო მომენტში ამბოხს მხარი არ დაუჭირა. არ არის გამორიცხული, რომ მათ ერდოღანის გარემოცვას აჯანყების თაობაზე ინფორმაცია ადრევე მიაწოდეს და ერდოღანმაც პროცესი მიუშვა, რათა შემდგომ პოლიტიკური დივიდენდები მოეპოვებინა. თუმცა, ეს ვარაუდის დონეზეა. რაც შეეხება ვის აწყობდა თურქეთში არსებული ამბოხი -  ლოგიკის მიხედვით, ამერიკას მაინცდამაინც არ მოწონს ის პოლიტიკა, რასაც ახლო აღმოსავლეთში თურქეთი ახორციელებს. ამიტომ, მე არ გამოვრიცხავ, ამერიკის ინტერესებში ყოფილიყო ერდოღანის გადაყენება. თუმცა, ეს ლოგიკური ვარაუდია და მე ამის თქმის საფუძველი არ მაქვს“, - აცხადებს მამუკა არეშიძე.

შეგახსენებთ, რომ გუშინ გვიან ღამით  თურქეთში სამხედრო გადატრიალების მცდელობა იყო. ამბოხის შედეგად დაიღუპა 60 და დაშავდა 100-მდე ადამიანი. ამ დროისთვის თურქეთის ზოგიერთ ქალაქში კვლავ ისმის სროლის ხმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო

ლარსის გამშვებ პუნქტზე რუსი მესაზღვრეები ქართველ მძღოლებს დოკუმენტების სწრაფად მიღებისთვის დიდ გადასახადებს თხოვენ

2025 წელს საქართველოში 13 000-ზე მეტი ახალი სამუშაოს მაძიებელი დარეგისტრირდა