"ქართული ოცნება" ნიცაში მომხდარი ტრაგედიის გამო, საფრანგეთის მთავრობასა და ხალხს უსამძიმრებს

2016-07-15 12:04:57, 705 ნახვა

საზოგადოება

„ქართული ოცნება-დემოკრატიული საქართველო" საფრანგეთის ქალაქ ნიცაში მომხდარი ტრაგედიის გამო, საფრანგეთის მთავრობასა და ფრანგ ხალხს სამძიმარს უცხადებს.

„ეს არის შემაძრწუნებელი ტრაგედია. სამწუხაროა, რომ მორიგ ტერორისტულ აქტს კვლავ შეეწირნენ უდანაშაულო ადამიანები. ეს არის მსოფლიო ტრაგედია, თითოეული ჩვენგანის ტრაგედია. მომხდარმა ტერორისტულმა აქტმა კიდევ ერთხელ დაგვანახა, რომ სისასტიკესთან გამკლავება შეუძლებელია ცივილიზებული მსოფლიოს ერთობლივი და უკომპრომისო ბრძოლის გარეშე. დიდი გულისტკივილით ვუთანაგრძნობთ დაღუპულთა ოჯახებს, ფრანგ ხალხს, საფრანგეთის მთავრობას. გამძლეობას ვუსურვებთ მათ ამ მძიმე წუთებში",-ნათქვამია "ქართული ოცნების" განცხადებაში.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან