"თუ აჭარის მთავრობის თავმჯდომარედ ზურაბ პატარაძე დამტკიცდება, ეს იქნება პრეზიდენტის, მთავრობისა და აჭარის უმაღლესი საბჭოს პოლიტიკური გადაწყვეტილება", - ამის შესახებ საქართველოს პრეზიდენტმა გიორგი მარგველაშვილმა "აჭარის ტელევიზიასთან" ინტერვიუში განაცხადა.

​ჟურნალისტის კითხვაზე - პოლიტიკური გემოვნების თვალსაზრისით ვისი რჩეულია ზურაბ პატარაძე - საქართველოს მთავრობის თუ პრეზიდენტის, ქვეყნის პირველმა პირმა განაცხადა, რომ ამ ვითარებაში ასეთ თანამდებობაზე კონსტიტუციურად არ არის უზრუნველყოფილი რომელიმე ერთი მხარის პოლიტიკური გემოვნება.

”როდესაც მე წარვადგენ მაგალითად, მოსამართლის კანდიდატურას, იქ ვამბობ ხოლმე, რომ ეს არის კონსულტაციების შედეგად, ან მე მარტო გადავწყვიტე, ან ჩემმა გუნდმა გადაწყვიტა. ეს არის პოლიტიკური გემოვნება. აქ პოლიტიკური გემოვნება ასე ცალკე ვერ ფიქსირდება. არა იმიტომ, რომ ვინმეს უნდა, ან არ უნდა, იმიტომ, რომ კონსტიტუცია ამბობს ასე. როგორ გითხრათ, რომ მარტო ჩემია ან მარტო მთავრობისაა - კონსტიტუციის დარღვევა იქნება ასე რომ გიპასუხოთ. როგორც კონსტიტუციაში წერია, როდესაც იყო წარდგენილი ზურაბ პატარაძე, ეს იყო საქართველოს პრეზიდენტის და საქართველოს მთავრობის პოლიტიკური გემოვნება. იმის შემდეგ, რაც ბატონი ზურაბ პატარაძე დამტკიცდება, ეს იქნება პრეზიდენტის, მთავრობისა და აჭარის უმაღლესი საბჭოს პოლიტიკური გადაწყვეტილება”, - განაცხადა მარგველაშვილმა. 

ცნობისთვის, საქართველოს პრეზიდენტმა ზურაბ პატარაძე აჭარაში პრეზიდენტის რწმუნებულად დანიშნა. ამის პარალელურად, ქვეყნის პირველმა პირმა პატარაძის კანდიდატურა აჭარის უმაღლეს საბჭოს რეგიონის მთავრობის თავმჯდომარის პოსტზე წარუდგინა. პრეზიდენტი იმედოვნებს, რომ აჭარის უმაღლესი საბჭო აღნიშნულ კანდიდატურას მხარს დაუჭერს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ალიევმა გაათავისუფლა საფრანგეთის ორი მოქალაქე რომლის გამოც ორი რუსი ოლიგარქი სანქციების სიიდან ამოიღეს

80 000-მდე აბონენტს, მათ შორის თბილისის რამდენიმე უბანს, მცხეთას, ნატახტარს, წიწამურსა და წეროვნის დევნილთა დასახლებას, წყალმომარაგება 36 საათით შეეზღუდება

გორდულაძე – ევროკავშირში უნდა აწყობდეთ, რომ ჩიხში შესული ურთიერთობებიდან გამოსავალი თავადვე მოძებნონ

წითლიძე- აფხაზეთში ჯერ კიდევ არის რუსული ნარატივი, რომ აფხაზებსა და ქართველებს შორის უნდა იყოს მტრობა