საქართველოს პრემიერ–მინისტრი გიორგი კვირიკაშვილი გაფართოებისა და სამეზობლო პოლიტიკის საკითხებში ყოფილ ევროკომისარს, ევროკომისიის წევრს, გიუნტერ ფერჰოიგენს შეხვდა. ამის შესახებ "ექსპრესნიუსს" მთავრობის ადმინისტრაციიდან აცნობეს.

მათი ინფორმაციით, საუბრის მთავარი თემები საქართველოს ეკომომიკური განვითარების პერსპექტივები და საქართველოს ოკუპირებულ ტეროტორიებზე არსებული ვითარება იყო.

საქართველოს პრემიერ–მინისტრმა გიუნტერ ფერჰოიგენს ქვეყანაში მიმდინარე და დაგეგმილი ეკონომიკური რეფორმების დღის წესრიგი გააცნო და  მთავრობის რეფორმების ოთხპუნქტიან გეგმაზე ესაუბრა.

საუბარი შეეხო საქართველო ევროინტეგრაციის საკითხებს და სავიზო ლიბერალიზაციის პროცესში მიღწეულ პროგრესს. გიუნტერ ფერჰოიგენის შეფასებით, საქართველომ ამ მიმართულებით განახორციელა მნიშვნელოვანი რეფორმები და შექმნილია ყველა პირობები ევროპის მხრიდან საპასუხო ნაბიჯის გადასადგმელად. მანვე იმედი გამოთქვა, რომ საქართველოს მოქალაქეები უახლოეს მომავალში შეძლებენ ევროკავშირში უვიზო მიმოსვლას.

მხარეებმა მსოფლიოს წინაშე არსებულ გამოწვევებზე და საქართველოს ოკუპირებულ ტერიტორიებზე არსებული ვითარებაზე ისაუბრეს. გიორგი კვირიკაშვილმა მადლობა გადაუხადა გიუნტერ ფერჰოიგენს საქართველოს ტერიტორიული მთლიანობისა და სუვერენიტეტის მხარდაჭერისთვის და ევროინტეგრაციის პროცესში შეტანილი პირადი წვლილისთვის.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ალიევმა გაათავისუფლა საფრანგეთის ორი მოქალაქე რომლის გამოც ორი რუსი ოლიგარქი სანქციების სიიდან ამოიღეს

80 000-მდე აბონენტს, მათ შორის თბილისის რამდენიმე უბანს, მცხეთას, ნატახტარს, წიწამურსა და წეროვნის დევნილთა დასახლებას, წყალმომარაგება 36 საათით შეეზღუდება

გორდულაძე – ევროკავშირში უნდა აწყობდეთ, რომ ჩიხში შესული ურთიერთობებიდან გამოსავალი თავადვე მოძებნონ

წითლიძე- აფხაზეთში ჯერ კიდევ არის რუსული ნარატივი, რომ აფხაზებსა და ქართველებს შორის უნდა იყოს მტრობა