"ნაციონალური მოძრაობის" ერთ-ერთი ლიდერის გიგი წერეთლის განცხადებით, მმართველ გუნდში ცვლილებები ფასადურია, რადგან "ქართულ ოცნებაში" გადაწყვეტილებას მხოლოდ ერთი ადამიანი იღებს.

როგორც წერეთელმა "ექსპრენიუსთან" საუბრისას განაცხადა, რაც არ უნდა ვარსკვლავებით დაკომპლექტდეს მმართველი პარტია ფაქტია, რომ მოსახლეობა ეკონომიკურად უფრო შეჭირვებულია, ვიდრე ეს 2012 წლამდე იყო.

"ოცნების" ახალი სახეები ამ პარტიისთვის რა შედეგს მოიტანს, ამას დრო გვაჩვენებს. ამ ადამიანების ნაწილს ვიცნობ, ნაწილს არა. მე მათ ნამდვილად არაფერს ვერჩი. ახალი სახეები შეუერთდნენ მმართველ გუნდს, იღებენ პასუხისმგებლობას იმაზე, რაც 4 წლის განმავლობაში იყო საქართველოში.  თუმცა, მე მგონია ახალ სახეებს მნიშვნელობა არ ექნებათ. ყველაფერს ერთი ადამიანი მართავს და როგორც მას მოესურვება ისე იქნება ყველაფერი. შეიძლება ვიღაც უფრო სიმპატიურად გამოიყურებოდეს ან უკეთესი განათლება ქონდეს წინა დეპუტატებთან შედარებით, მაგრამ "ოცნება" არის ივანიშვილის ვერტიკალზე აგებული, სადაც არავის არაფრის გადაწყვეტა არ შეუძლია, სანამ არ მიიღებენ დირექტივებს. შესაბამისად, ეს ადამიანების შეზღუდული იქნებიან მოქმედების დროს. რა ვარსკვლავებითაც არ უნდა დააკომპლექტოს მმართველმა გუნდმა საკუთარი პარტია, ის რომ მოსახლეობა ეკონომიკურად უფრო ცუდად ცხოვრობს, ვიდრე ეს იყო 2012 წელს ეს არის ფაქტი. ახალი სახეების წარდგენა ეს არის ფასადური ცვლილება. არც ერთ პარტიას არ აკლია კარგი განათლების მქონე ადამიანები", - განაცხადა წერეთელმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ალიევმა გაათავისუფლა საფრანგეთის ორი მოქალაქე რომლის გამოც ორი რუსი ოლიგარქი სანქციების სიიდან ამოიღეს

80 000-მდე აბონენტს, მათ შორის თბილისის რამდენიმე უბანს, მცხეთას, ნატახტარს, წიწამურსა და წეროვნის დევნილთა დასახლებას, წყალმომარაგება 36 საათით შეეზღუდება

გორდულაძე – ევროკავშირში უნდა აწყობდეთ, რომ ჩიხში შესული ურთიერთობებიდან გამოსავალი თავადვე მოძებნონ

წითლიძე- აფხაზეთში ჯერ კიდევ არის რუსული ნარატივი, რომ აფხაზებსა და ქართველებს შორის უნდა იყოს მტრობა