მე ჯერჯერობთ იუტიციის სამინისტროს სათავეში ვრჩები, - ამის შესახებ საქართველოს იუსტიციის მინისტრმა თეა წულუკიანმა ჟურნალისტებს განუცხადა.

მისი თქმით, იუტიციის სამინისტრო არის უწყება, რომელიც 4 წლის განმავლობაში სტაბილური იყო და მისი, როგორც მინისტრის მიზანია, ეს ასე დარჩეს.

„ჩემი მიზანია, ეს უწყება სტაბილურად მივიდეს არჩევნებამდე, დარჩეს ნეიტრალურ უწყებად. ჩემს მინისტრ კოლეგებთან ერთად უნდა შევქმნათ მესამე პრეცედენტი სამაგალითო თავისუფალი და სამართლიანი არჩევნებისა“, - განაცხადა წულუკიანმა.

ჟურნალისტის კითხვაზე, თუ რა მოლოდინი აქვს იუტიციის მინისტრს მმართველი გუნდის ახალ წევრებთან დაკავშირებით, რომლებიც დღეს  უნდა წარადგინონ, წულუკიანმა აღნიშნა, რომ თითოეული მათგანი შემდგარი პროფესიონალია და ის მათ მხარს უჭერს.

„დღეს სამწუხაროდ საგურამოში ვერ მივემგზავრები, რადგან პრემიერთან შეთანხმებით ჩვენ გადავწყვიტეთ, რომ მე უწყებათაშორისი კომისიის პირველი სხდომა უნდა ჩამეტარებინა. ეს როგორც პრემიერმა აღნიშნა, არის ძალიან მნიშვნელოვანი, თუმცა თბილისიდან ვგულშემატკივრობ თექვსმეტივე კანდიდატს, რომელსაც პრემიერი წარადგენს. ვფიქრობ, სასიამოვნო სიურპრიზი გვექნება იმასთან დაკავშირებით, რომ ამ თექვსმეტ ახალ სახეში ჩვენივე გუნდის უკვე გამოცდილი წევრები იქნებიან. კარგი ბალანსი გვექნება დაცული ქალებსა და მამაკაცებს შორის და მე მათ ყოველთვის მხარს დავუჭერ“, - განაცხადა თეა წულუკიანმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ალიევმა გაათავისუფლა საფრანგეთის ორი მოქალაქე რომლის გამოც ორი რუსი ოლიგარქი სანქციების სიიდან ამოიღეს

80 000-მდე აბონენტს, მათ შორის თბილისის რამდენიმე უბანს, მცხეთას, ნატახტარს, წიწამურსა და წეროვნის დევნილთა დასახლებას, წყალმომარაგება 36 საათით შეეზღუდება

გორდულაძე – ევროკავშირში უნდა აწყობდეთ, რომ ჩიხში შესული ურთიერთობებიდან გამოსავალი თავადვე მოძებნონ

წითლიძე- აფხაზეთში ჯერ კიდევ არის რუსული ნარატივი, რომ აფხაზებსა და ქართველებს შორის უნდა იყოს მტრობა