შტაინმაიერი: საქართველოს ვიზლიბერალიზაციის ლოგიკურ დასასრულს სექტემბრის მეორე ნახევარში უნდა ველოდეთ

2016-07-01 10:48:57, 665 ნახვა

პოლიტიკა

გერმანიაც და ევროკავშირიც მაქსიმუმს ვაკეთებთ, რომ საქართველოს ვიზალიბერალიზაციის პროცესის დასასრული სწრაფად დადგეს, - ამის შესახებ გერმანიის საგარეო საქმეთა მინისტრმა ფრანკ-ვალტერ შტაინმაიერმა ქართველ კოლეგასთან, მიხეილ ჯანელიძესთან ერთად გამართულ ბრიფინგზე განაცხადა.

როგორც შტაინმაიერმა აღნიშნა, ვიზალიბერალიზაციის საკითხი მხოლოდ გერმანიაზე არ არის დამოკიდებული.

"ჩვენ მაქსიმუმს ვაკეთებთ, გერმანიაც და ევროკავშირიც, რომ სწრაფად დადგეს ვიზალიბერალიზაციის პროცესის დასასრული. ეს მხოლოდ გერმანიაზე არ არის დამოკიდებული და დაკავშირებულია გარკვეულ პროცედურებთან. იმედი მაქვს, ეს პროცედურები დასრულდება ივლისის ბოლოს, ხოლო ვიზლიბერალიზაციის ლოგიკურ დასასრულს სექტემბრის მეორე ნახევარში უნდა ველოდეთ“, - განაცხადა ფრანკ-ვალტერ შტაინმაიერმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან