"პაშა ბანკის" დაფინანსებით თბილისის ჰიპო ფონდმა და ინტელექტის და განათლების საერთაშორისო სკოლამ  ISIE სოციალურად დაუცველი და მაღალი აკადემიური მოსწრების მქონე სტუდენტებისთვის  ერთდღიანი გასვლითი ტრენინგი ჩაატარა.

ტრენინგის მიზანი იყო სტუდენტებისთვის საინტერესო თემებზე გამოცდილების გაზიარება და საბაზისო ინფორმაციის მიწოდება, ასევე მათი ინტეგრაცია და ურთიერთობა არაფორმალურ გარემოში.

მონაწილეების შერჩევა აპლიკაციების საფუძველზე მოხდა.

სპეციალურად ტრენინგისთვის მოწვეულმა სპიკერებმა, მაკა ასათიანმა (უნიქარდი, მარკეტინგის დირექტორი), ბიძინა ქუმსიაშვილმა (თბილისის ჰიპო ფონდის დამფუძნებელი, პენსილვანიის უნივერსიტეტის ლექტორი), ჯემალ არჯევანიძემ (თბილისის ევროპული ახალგაზრდული ცენტრის სპეციალისტი) და თორნიკე ჩარგეიშვილმა (მშვიდობის კორპუსის რეგიონალური კოორდინატორი) ისაუბრეს ისეთ თემებზე, როგორიცაა: პროექტების წერა, მარკეტინგი და ეფექტური კომუნიკაცია, მოხალისეობა და არაფორმალური განათლება.  პროექტის მხარდამჭერებს შორის იყვნენ: თბილისის მერია, Wehelp.ge, Generations For Peace,Tbilisi life.

„ჩვენ სიამოვნებით ჩავერთეთ აღნიშნულ პროექტში, რადგან, ვთვლით, რომ აქ გაზიარებული ინფორმაცია და გამოცდილება სასარგებლო იქნება სტუდენტებისთვის. პაშა ბანკისთვის საგანმანათლებლო პროექტების მხარდაჭერა შეიძლება ითქვას, უკვე ტრადიციად იქცა. ჩვენი მიზანია ხელი შევუწყოთ საქართველოში და ჩვენს რეგიონში ეკონომიკის და ბიზნესის განვითარებას, რისთვისაც განათლება ნამდვილად აუცილებელი წინაპირობაა“, - განაცხადა ანანო ქორქიამ, პაშა ბანკის საზოგადოებასთან და მარკეტინგის დეპარტამენტის უფროსმა.

(R)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ანგარიშის თანახმად, ევროკავშირი საკმარისად სწრაფად და ეფექტურად არ აშენებს თავის თავდაცვით შესაძლებლობებს

მაკრონმა ტრამპი გააფრთხილა, რომ აშშ-ის ნავთობის ექსპორტის შეჩერება ფასების ზრდას გამოიწვევდა.

ზელენსკიმ განაცხადა, რომ „ანკორიჯის შეთანხმებები“ მოლაპარაკებებში აღარ განიხილება

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ