გერმანიის საგარეო საქმეთა მინისტრის ფრანკ-ვალტერ შტაინმაიერის განცხადებით, დიდი ბრიტანეთის მიერ ალიანსის დატოვებით ევროკავშირი პარალიზებული არ უნდა იყოს.

როგორც შტაინმაიერმა აღნიშნა, ევროკავშირმა ბრიტანეთის გადაწყვეტილება ისტერიკისა და შოკის გარეშე უნდა მიიღოს.

განცხადება მინისტრმა ბერლინში, ევროკავშირის დამფუძნებელი 6 ქვეყნის საგარეო საქმეთა მინისტრების შეხვედრის დაწყებამდე გააკეთა.

BBC-ს ცნობით, გერმანიის, ბელგიის, იტალიის, ლუქსემბურგის, ნიდერლანდებისა და საფრანგეთის საგარეო საქმეთა მინისტრები ბერლინში მიმდინარე შეხვედრაზე ბრიტანეთში რეფერენდუმის შედეგებზე იმსჯელებენ. ასევე შეხვედრის ერთ-ერთი მთავარი თემა მსგავსი გადაწყვეტილებების თავიდან აცილება იქნება.

როგორც BBC წერს, აღნიშნული საკითხის განსახილველად 29 ივნისს ევროპარლამენტი რიგგარეშე სხდომას ჩაატარებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ვიღებთ სრულ პასუხისმგებლობას ანტიდოპინგური პროცესის გაუმჯობესებაზე – რაგბის კავშირი

პუტინმა განაცხდა უკვე მეშვიდედ, რომ რაკეტა სარმატა გამოსცადა

ზატულინი -ევროკავშირი საქართველოს რუსეთის წინააღმდეგ „მეორე ფრონტის“ გახსნისკენ უბიძგებს

საქართველოში რუსეთის ინტერესების სექცია - ახალი პატრიარქის არჩევის შესახებ ამბავი რუსეთში დიდი ენთუზიაზმით მიიღეს