საზოგადოებრივი მაუწყებლის შრომითი დავა ურთიერთშეთანხმებით დასრულდა

2016-06-24 13:12:52, 775 ნახვა

საზოგადოება

სახელმწიფო მედიაციის სამსახურის ჩარევით საზოგადოებრივი მაუწყებლის შრომითი დავა ურთიერთშეთანხმებით დასრულდა.

შრომის, ჯანმრთელობისა და სოციალური დაცვის სამინისტროს ინფორმაციით, ტელევიზიის თანამშრომლებისა (პირველადი პროფკავშირი) და ხელმძღვანელობის დავა 1 თვის წინ დაიწყო და მედიატორის ჩართვა ამ პროცესში მოხდა დაუყოვნებლივ.

ჯანდაცვის მინისტრის სპეციალური წარმომადგენელი (მედიატორი) ყოველდღიურ რეჟიმში მუშაობდა როგორც პროფკავშირის ასევე ბორდის წარმომადგენლებთან.

შედეგად შეიცვალა კომუნიკაციის ფორმა დამსაქმებელსა და დასაქმებულებს შორის, მოთხოვნა ხელფასების მატებასთან დაკავშირებით დაკმაყოფილებულია და 1 ივლისიდან 600-მდე თანამშრომელს 10 და 20%-ით გაეზრდებათ ანაზღაურება. მხარეებს შორის შუალედური შეთანხმების მიხედვით, ხელმძღვანელობა ვალდებულია ტელევიზიაში ფუნდამენტური ცვლილებების პროცესში ჩართულები იყვნენ საზოგადოებრივი მაუწყებლის თანამშრომელებიც.

ასევე მოხდა კიდევ ერთი უპრეცედენტო შემთხვევა, როდესაც მხარეებმა განსაზღვრეს შეთანხმების აღსრულებისა და მონიტორინგის მუხლი ხელშეკრულებაში.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან