ვანო მერაბიშვილთან დაკავშირებით სტრასბურგის სასამართლომ გამოიტანა გადაწყვეტილება, სადაც შავით თეთრზე წერია, რომ მისი პატიმრობა იყო კანონიერი, - ამის შესახებ  საქართველოს თავდაცვის მინისტრმა თინა ხიდაშელმა ჟურნალისტებს განუცხადა.

მისივე თქმით, სტრასბურგის სასამართლომ კითხვის ნიშნის ქვეშ დააყენა არა მერაბიშვილის  პატიმრობის კანონიერება, არამედ  სხვა პროცედურული საკითხი, რომელიც მის დაკავებას მოჰყვა:

 „ძალიან სამწუხაროა, რომ საქართველოში მარტივი თემები, ფურცელზე დაწერილი, ადვილად წასაკითხი და ადვილად გასაგები ამბები ამდენ დისკუსიას იწვევს. მათ უმრავლესობას, ვინც აზრს გამოთქვამს, ეზარება წაკითხვა და სხვის ნათქვამზე აკეთებს კომენტარს და შეფასებას. რომ წაგვეკითხა გადაწყვეტილება, ეს კითხვები არ იქნებოდა. პოლიტიკური განცხადებები ჩვენ ამ წლების განმავლობაში ბევრი მოგვისმენია, მათ შორის ვანო მერაბიშვილთან დაკავშირებით, თუმცა კიდევ ერთხელ ვამბობ, ამან არ შეიძლება გავლენა მოახდინოს სამართლებრივ პროცედურებზე. ვანო მერაბიშვილთან დაკავშირებით სტრასბურგის სასამართლომ გამოიტანა გადაწყვეტილება, ამ გადაწყვეტილებაზე შავით თეთრზე წერია, რომ მისი პატიმრობა იყო კანონიერი. კითხვის ნიშნის ქვეშ არის დაყენებული სხვა პროცედურული საკითხი, რომელიც ამას მოჰყვა. ამიტომ, როდესაც ადამიანის გათავისუფლება -არ გათავისუფლებაზე ხდება აპელირება, ეს შეიძლება დღის წესრიგში დადგეს მაშინ, თუ ადამიანი არის უკანონო პატიმარი. ვანო მერაბიშვილთან დაკავშირებით ითქვა, რომ ის კანონიერად დააპატიმრეს, ხოლო ის, რომ ფარცხალაძის ეპიზოდი არის სხვაგვარად შეფასებული და ა.შ, ეს არის ცალკე საკითხები, რასაც მისი პატიმრობის კანონიერებასთან არაფერი საერთო არ აქვს. ფარცხალაძის ეპიზოდთან დაკავშირებით უმრავლესობას ცალსახა პოზიცია გვქონდა მაშინაც და იგივე წერია დღესაც სტრასბურგის სასამართლოს გადაწყვეტილებაში. როდესაც ასეთი განცხადება კეთდება, ჩვენ მის მთქმელს ვენდობით თუ არ ვენდობით, ის აუცილებლად უნდა იყოს გამოძიებული. ეს არ შეიძლება იმაზე იყოს დამოკიდებული, შენი მჯერა, თუ არ მჯერა. ეს არის ძალიან სერიოზული ბრალდება, რომელიც მაშინ წაუყენეს მაშინდელ პროკურორს და აუცილებლად უნდა ყოფილიყო გამოძიებული“, -განაცხადა თინა ხიდაშელმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ვიღებთ სრულ პასუხისმგებლობას ანტიდოპინგური პროცესის გაუმჯობესებაზე – რაგბის კავშირი

პუტინმა განაცხდა უკვე მეშვიდედ, რომ რაკეტა სარმატა გამოსცადა

ზატულინი -ევროკავშირი საქართველოს რუსეთის წინააღმდეგ „მეორე ფრონტის“ გახსნისკენ უბიძგებს

საქართველოში რუსეთის ინტერესების სექცია - ახალი პატრიარქის არჩევის შესახებ ამბავი რუსეთში დიდი ენთუზიაზმით მიიღეს