რიო დე ჟანეიროს 2016 წლის ოლიმპიური თამაშები რუსი მძლეოსნების გარეშე ჩაივლის - მძლეოსნობის საერთაშორისო ფედერაციისა და მსოფლიო ანტი-დოპინგური სააგენტოს გადაწყვეტილება ძალაში რჩება.

მძლეოსნობის საერთაშორისო ფედერაციის საგანგებო სხდომამ არ დააკმაყოფილა რუსეთის მძლეოსნობის ფედერაციის მოთხოვნა და დისკვალიფიკაცია ძალაში დატოვა. განჩინების მიხედვით, ოლიმპიადაზე გამოსვლას მხოლოდ ის სპორტსმენები შეძლებენ, რომელიც საკუთარი უდანაშაოლობის დამტკიცებას შეძლებენ, თუმცა ამ შემთხვევაში, მათ ოლიმპიადაზე ასპარეზობა არა რუსეთის არამედ ნეიტრალური სპორტსმენის სახელით მოუწევთ.

ცნობისთვის, მსოფლიოს ანტიდოპინგურმა სააგენტომ რუსი მძლეოსნები 2015 წლის ნოემბერში აკრძალული პრეპარატების მოხმარებაში ამხილა, რასაც მძლეოსნობის საერთაშორისო ფედერაციის მხრიდან რუსეთის მძლეოსნობის ფედერაციის მოკვეთა მოჰყვა.

საეთაშორისო ორგანიზაციის წევრის სტატუსის აღსადგენად რუსეთის მძლეოსნობის ფედერაციას, რამდენიმე მოთხოვნა წაუყენეს, თუმცა ჩატარებული სამუშაოები საკმარისი არ აღმოჩნდა.

21 ივნისს კი, საერთაშორისო ოლიმპიური კომიტეტის სხდომა გაიმართება, რომელზეც შესაძლოა, რიოს ოლიმპიადაზე მძლეოსნების ინდივიდუალურად დაშვებაზე იმსჯელონ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Global Finance: საქართველოს ბანკი რეგიონში საუკეთესო სამომხმარებლო ციფრული ბანკია ონლაინ პროდუქტების შეთავაზების და დაკრედიტების მიმართულებით

შენი ავტოსაჭიროებები ერთ სივრცეში - მობაილბანკში ავტო კომფორტი განახლდა

რა იცვლება დაგროვებითი პენსიის შესახებ კანონში

81 ათასი ოჯახი ქონების გადასახადს აღარ გადაიხდის - შემოსავლების სამსახურის უფროსი