"ოთარ ბერძენიშვილის ჩვენებით, არ დადასტურდა ის გარემოება, რომ მაგდა პაპიძეს და მას სამომავლოდ ერთობლივი გეგმები ჰქონდათ" -  ამის შესახებ მეუღლისა და შვილის მკვლელობაში ბრალდებულ მაგდა პაპიძის ადვოკატმა მარიკა ფხალაძემ დღეს გამართული პროცესის დასრულების შემდეგ განაცხადა, რომელზეც პროკურატურის ერთ-ერთი მთავარი მოწმე ოთარ ბერძენიშვილი დაიკითხა.

მაგდა პაპიძის ადვოკატის განცხადებით, იყო ცალსახა დამოკიდებულება, რომ ოთარ ბერძენიშვილი მაგდა პაპიძის ცოლად მოყვანას არ აპირებდა და მათ ერთიანი სამომავლო გეგმები არ გააჩნდათ.

„თავს შევიკავებ იმ დეტალების გაჟღერებისგან, რაც ოთარ ბერძენიშვილმა სასამართლო პროცესზე თქვა, მაგრამ ერთი შემიძლია თამამად ვთქვა, რომ ოთარ ბერძენიშვილის ჩვენებით ნამდვილად არ დადასტურდა ის გარემოება, რომ მაგდა პაპიძეს და მას სამომავლოდ რაღაც ერთობლივი გეგმები ჰქონდათ, რომ ის მის ცოლად მოყვანას აპირებდა. მსგავსი არაფერი ყოფილა. პირიქით, იყო ცალსახა დამოკიდებულება - მაგდა პაპიძის ცოლად მოყვანას ოთარ ბერძენიშვილი არ აპირებდა და მათ ერთიანი სამომავლო გეგმები არ გააჩნდათ. შესაბამისად, პროკურატურის პოზიცია იმ საკითხთან დაკავშირებით, რომ მაგდა პაპიძემ ქმარ-შვილი დახოცა იმისთვის, რათა შემდგომ ოთარ ბერძენიშვილთან ერთად ცხოვრება გაეგრძელებინა, თამამად შემიძლია ვთქვა, რომ ბერძენიშვილის ჩვენებით, ეს არ დადასტურდა“, - განაცხადა მარიკა ფხალაძემ.
 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„რეალური მოლაპარაკებები აღარ მიმდინარეობს“ - უკრაინა ემზადება ომის გასაგრძელებლად აშშ-ის დახმარების გარეშე

პატრიარქმა კირილმა შიო III-ს მშვიდობიანი და კურთხეული პატრიარქობა უსურვა

კიევისა და სრულიად უკრაინის მიტროპოლიტი ეპიფანე - ღმერთმა დალოცოს ახალი ეტაპი საქართველოს მართლმადიდებელი ეკლესიის ცხოვრებაში

ევროკავშირი პატრიარქ კირილისა და რუსეთის მართლმადიდებლური ეკლესიის წინააღმდეგ სანქციებს ამზადებს