საფრანგეთის პრეზიდენტი ფრანსუა ოლანდი პროფკავშირებს მოუწოდებს, გაფიცვებით ევრო 2016  ჩაშლის მცდელობისგან თავი შეიკავონ. ფრანსუა ოლანდი პროფკავშირებს აფრთხილებს, რომ ხელისუფლება ყველა საჭირო ზომას მიმართავს ჩემპიონატის ჩასატარებლად.

ცნობისთვის, საფრანგეთში ევრო 2016 დღეს, 10 ივნისს იწყება და 10 ივლისამდე გაგრძელდება.

"მე მივმართავ თითოეული თქვენგანის პასუხისმგებლობის გრძნობას, რადგან, თუ სახელმწიფო ვალდებულია შეასრულოს თავისი მოვალეობა და აკეთებს ამას, ის ყველა საჭირო ზომას მიმართავს. ყურადღებით დავაკვირდები მოვლენებს და, თუ საჭირო გახდება გადაწყვეტილებები, ისინი მივიღებთ", - განაცხადა ოლანდმა.

შეგახსენებთ, საფრანგეთი მთავრობის მიერ ინიციირებული შრომითი რეფორმის გამო გაფიცვებმა მოიცვა. რკინიგზის თანამშრომლები აცხადებენ, რომ გაფიცვას "ევრო-2016"-ის დაწყების დღეს გამოაცხადებენ, რამაც შესაძლოა, საფრანგეთისა და რუმინეთის ნაკრებებს შორის პირველი მატჩი ჩაშალოს.

მემანქანეები იმუქრებიან რომ მოედან "სტად დე ფრანსამდე" მიმავალ სარკინიგზო ხაზს დაბლოკავენ.

საფრანგეთში მიმდინარე კვირას ჩასულ გულშემატკივრებს ქუჩებში დაგროვებული ნაგავი დახვდათ, რადგან პროფკავშირებმა ნაგვისგადამამუშავებელი ქარხნების მუშაობა შეაფერხეს.

პროფკავშირების პროტესტთან ერთად საფრანგეთში "ევრო-2016"-ის მიმდინარეობისას ტერაქტების საფრთხე არსებობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზატულინი -ევროკავშირი საქართველოს რუსეთის წინააღმდეგ „მეორე ფრონტის“ გახსნისკენ უბიძგებს

საქართველოში რუსეთის ინტერესების სექცია - ახალი პატრიარქის არჩევის შესახებ ამბავი რუსეთში დიდი ენთუზიაზმით მიიღეს

ავსტრიამ ორჯერ ჩაჭრა აშშ-ის საჰაერო ძალების თვითმფრინავები ფრენის ნებართვის გარეშე

ტელეკომპანია „დოჟდის“ მთავარ რედაქტორს ტიხონ ძიადკოს „ყალბი ამბების“ საქმეში რვა წლით თავისუფლების აღკვეთა მიესაჯა