საქართველოს ყოფილი პრემიერ-მინისტრის ბიძინა ივანიშვილის განცხადებით, მთავრობა უნდა აკრიტიკონ  და დაპირებაც შეახსენონ, თუმცა  უნდა გაითვალისწინონ, რომ რეგიონში არსებული რთული ვითარება, საქართველოს ეკონომიკაზეც გავლენას ახდენს.

ივანიშვილის თქმით, საზოგადოებამ სწორი ანალიზი უნდა გააკეთოს და ყველაფერი გიორგი კვირიკაშვილსა და მთავრობის წევრებს არ უნდა დააბრალოს:

"სწორი ანალიზი უნდა გავაკეთოთ. მე არ ვითხოვ, რომ მთავრობას ვაპატიოთ, არაფერი არ უნდა ვაპატიოთ, თუ შეცდომებია, ოღონდ, სწორი ანალიზი უნდა გავაკეთოთ. როცა გაჭირვებული კაცი მიდის საღამოს სახლში, მაცივარი ნახევრად ცარიელია, სამუშაო აქვს ისეთი, რომ ძალიან მწირი შემოსავალი აქვს და ამ დროს მას დემოკრატიულ ღირებულებებზე ესაუბრები, ძალიან ძნელია, რომ ეს მიიღოს. ეს კარგად მესმის, რთულია უფლებებზე ელაპარაკო, მაგრამ ახლა ეს რომ კვირიკაშვილს მივაბრალოთ, ან დღევანდელ მთავრობას და დავუწყოთ მას ჭიდაობა,  სხვათაშორის,  ვისაც არ მოეწყინება დღეს ნებისმიერ ბრუნვაში აკრიტიკებენ და ლანძღავენ კიდეც, ბევრი მთავრობის წევრი ხათრითაა იქ შერჩენილი და იმ ენთუზიაზმით, რომ საკუთარ ქვეყანას დაეხმაროს, ასე შეგვიძლია მივანგრიოთ ეს ყველაფერი და წავიდეთ,  ახალ მოჯადოებულ წრეს დავუბრუნდეთ",-განაცხადა ივანიშვილმა ჟურნალისტებთან შეხვედრაზე.

მისივე თქმით, "ნაციონალურ მოძრაობას" რომ 2012 წელს არჩევნები მოეგო, საქართველოში ეკონომიკური კოლაფსი იქნებოდა:

 "პენსიები ვეღარ დარიგდებოდა, ხელფასებს ვერ გადაუხდინენ საჯარო მოხელეებს.  რეგიონში დღეს ყველაზე კარგი ეკონომიკური ზრდის ტემპი გვქონდა,  მიუხედავად იმისა, რომ რეგინული კრიზისი დაემთხვა  ჩვენს მოსვლას", - აღნიშნა ივანიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუმინეთის პატრიარქი დანიელი - გისურვებთ თქვენს უნეტარესობას მრავალ კურთხეულ წელს საქართველოს მართლმადიდებელი ხალხის სამსახურში

ალბანეთის წინამძღვარი - ილია II-ის ტახტზე ასვლა, თქვენს უნეტარესობას წმინდა და მძიმე მემკვიდრეობას ანდობს

აშშ-ის საელჩო: ვულოცავთ შიო III-ს პატრიარქად არჩევას, ისტორიული მოვლენაა, დამოუკიდებლობის აღდგენის შემდეგ პატრიარქის პირველი არჩევაა

CNN: ტრამპი იმედგაცრუებულია ირანთან მოლაპარაკებებით და ომის განახლებისთვის ემზადება