09:08 - 17 Nov, 2026
ჩვენ შესახებ რეკლამა/ხელმოწერა
2016-06-03 17:00:35, 1021 ნახვა

ეკონომიკა
საქართველოს ავსტრიის განვითარების ბანკის დელეგაცია ეწვევა

ავსტრიის რესპუბლიკაში ვიზიტის ფარგლებში საგარეო საქმეთა მინისტრმა მიხეილ ჯანელიძემ ავსტრიის განვითარების ბანკის აღმასრულებელი საბჭოს წევრთან ანდრეა ჰაგმანთან შეხვედრა გამართა.

საგარეო საქმეთა სამინისტროს ინფორმაციით, ავსტრიის განვითარების ბანკი 2007 წლიდან საქართველოში ენერგო სექტორის განვითარებისა და ხელშეწყობის პროექტებს ახორციელებს, საქართველოს ენერგეტიკის სამინისტროსთან ელექტროგადამცემი ხაზების რეაბილიტაციის და მშენებლობის, ჰიდრო-რესურსების ეფექტური გამოყენების დაგეგმვისა და მცირე და საშუალო ელექტროჰესების მშენებლობაში ფინანსური მხარდაჭერის საკითხში აქტიურად თანამშრომლობს. 

ავსტრიის განვითარების ბანკი ასევე საქართველოს საბანკო სექტორთან ენერგო სფეროში მოღვაწე კომპანიებისთვის იაფი სესხების ხელმისაწვდომობის მიმართულებით თანამშრომლობს.

შეხვედრაზე ანდრეა ჰაგმანმა მინისტრს  საქართველოსთან დაკავშრებით ავსტრიის განვითარების ბანკის სამომავლო გეგმები გააცნო.

გასულ წლებში უკვე განხორციელებული 50 მილიონი ინვესტიციის გარდა, ბანკის ხელმძღვანელობის სურვილია  ენერგო-პროექტების დაფინანსება როგორც მცირე ჰესების მშენებლობის, ასევე სხვა ენერგო ეფექტური პროექტების განხორციელების მიმართულებით გააგრძელოს.

მინისტრმა ანდრეა ჰაგმანს საქართველოში ბოლო პერიოდში მიმდინარე პროცესების და მთავრობის ახალი ინიციატივების შესახებ ინფორმაცია გაუზიარა, ასევე  საქართველოს საგარეო საქმეთა სამინისტროს დახმარება და მხარდაჭერა საქართველოში ბიზნეს საქმიანობის პროცესში აღუთქვა.

შეხვედრის დასასრულს გადაწყდა, რომ ავსტრიის განვითარების ბანკის დელეგაცია ანდრეა ჰაგმანის ხელმძღვანელობით მიმდინარე წლის სექტემბერში საქართველოს ეწვევა.

ავსტრიაში ვიზიტის ფარგლებში, საგარეო საქმეთა მინისტრმა მიხეილ ჯანელიძემ ასევე ავსტრია-საქართველოს ბიზნეს ფორუმში მონაწილეობა მიიღო, რომელიც საქართველოს საგარეო საქმეთა სამინისტროს, საქართველოს სავაჭრო-სამრეწველო პალატის, ავსტრიის სავაჭრო პალატის (WKO) და ავსტრიაში საქართველოს საელჩოს ხელშეწყობით გაიმართა.





ავტორი: ირაკლი მანაგაძე , ექსპრესნიუსის რეპორტიორი 2009 წლიდან


სოციალური ქსელები
ზელენსკიმ უკრაინას, აშშ-სა და ევროპას შორის ლიდერების დონეზე მიმდინარე „რთულ“ დიალოგზე ისაუბრა
მაკა ბოჭორიშვილი: ჩვენ ვაგრძელებთ მუშაობას იმისათვის, რომ ეუთო-ს მომავალი წლის თავმჯდომარეობაზე კონსენსუსი იყოს მიღწეული
ხაბეიშვილი მოსამართლეებზე - ეს აბსოლუტური სკუნსები, როგორ ბედავენ საქართველოს სახელით საუბარს?! ეს თვალებყლეპია ხალხი ანწუხელიძეს, საქართველოს რა უფლებით ასამართლებს?!
ბოჭორიშვილი კატარის საგარეო საქმეთა სახელმწიფო მინისტრს, სულთან ბინ საად ალ-მურაიხის შეხვდა
რედაქტორის რჩევით

ომი უკრაინაში

ვიდეო/LIVE

პატრიარქის ილია მეორის დაკრძალვა - პირდაპირი








არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics