გია ხუხაშვილი: "რესპუბლიკელ" მინისტრებს, ალბათ, ივლისში თანამდებობების დატოვება მოუწევთ

2016-06-03 16:13:41, 754 ნახვა

პოლიტიკა

ექსპერტი გია ხუხაშვილი მთავრობაში მოსალოდნელ სხვა ცვლილებებზეც საუბრობს.

როგორც ხუხაშვილმა "ექსპრესნიუსს" განუცხადა, თანამდებობების დატოვება პირველ რიგში "რესპუბლიკელ" მინისტრებს მოუწევთ:

"ბუნებრივია ცვლილებები მოსალოდნელია. პირველ რიგში "რესპუბლიკური პარტიის" წარმომადგენლებს, ალბათ, ივლისში მოუწევთ თანამდებობების დატოვება", - აღნიშნა გია ხუხაშვილმა.

შეგახსენებთ, პრემიერ-მინისტრმა თამარ სანიკიძე განათლებისა და მეცნიერების მინისტრის თანამდებობიდან გაათავისუფლა. მის შემცვლელად გიორგი კვირიკაშვილმა ალექსანდრე ჯეჯელავას კანდიდატურა წარმოადგინა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან