საქართველოს დღეს ოფიციალური ვიზიტით ჩინეთის სახალხო რესპუბლიკის სამთავრობო დელეგაცია ეწვევა, რომელსაც ჩინეთის სახალხო რესპუბლიკის სახელმწიფო საბჭოს ვიცე-პრემიერი ჭანგ გაოლი ხელმძღვანელობს.

მთავრობის ადმინისტრაციის პრესსამსახურის ინფორმაციით, 3 ივნისს, გაიმართება საქართველოს პრემიერ–მინისტრ გიორგი კვირიკაშვილის შეხვედრა ჩინეთის სახალხო რესპუბლიკის სახელმწიფო საბჭოს ვიცე-პრემიერთან.

პირისპირი და გაფართოებული ფორმატის შეხვედრების შემდეგ, მთავრობის ადმინისტრაციაში ხელი მოეწერება  შეთანხმებას „საქართველოს მთავრობასა და ჩინეთის სახალხო რესპუბლიკის მთავრობასა შორის ეკონომიკური და ტექნიკური თანამშრომლობის შესახებ"  და ურთიერთგაგების მემორანდუმებს  „საქართველოს ეკონომიკისა და მდგრადი განვითარების სამინისტროსა და ჩინეთის სახალხო რესპუბლიკის კომერციის სამინისტროს შორის."

სამდღიანი ვიზიტის ფარგლებში, დაგეგმილია ძველი თბილისისა და მცხეთის ღირშესანიშნაობების  დათვალიერება და სხვადასხვა კულტურული ღონისძიება.

ჩინეთის სახალხო რესპუბლიკის მაღალი დონის ოფიციალური ვიზიტი, რომელიც   ბოლო წლების განმავლობაში საქართველოში პირველად განხორციელდა,  4 ივნისს დასრულდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პენიტენციური: პატიმარ გიორგი დავითაძეზე ძალადობის ფაქტს ადგილი არ ჰქონია

ისარგებლეთ საქართველოს ბანკის საკრედიტო Amex-ის შეთავაზებით ოთხ სავაჭრო ცენტრში

Euromoney-მ თიბისი საუკეთესო კორპორატიულ ბანკად მესამედ დაასახელა

ხაშურობისთვის მერიამ ზაზა ნოზაძე გარეპავს- ბიუჯეტიდან კონცერტის ორგანიზატორს 93 000 ლარს გადაუხდიან