ქართული სამხედრო ავიაციის განვითარების მიზნით, ჩეხეთის რესპუბლიკას საქართველოს შეიარაღებული ძალების ავიაციისა და საჰაერო ძალების სარდალი, პოლკოვნიკი დავით აბრამიშვილი და სარდლობის ორი სამხედრო მფრინავი ეწვივნენ.

თავდაცვის სამინისტროს ინფორმაციით, ვიზიტის ფარგლებში ქართველი სამხედრო მფრინავები ახლადწარმოებული ჩეხური საჰაერო ტექნიკის - L-39NG-ს ტიპის თვითმფრინავების შესაძლებლობებს გაეცნენ და „Aero Vodohody” აეროდრომზე ჩეხეთის საჰარეო ძალების მფრინავ-გამომცდელებთან ერთად, L-39NG-ით სადემონსტრაციო გამოცდა/ფრენები განახორციელეს.

უწყების ცნობობით, პროექტი მიზნად ისახავს L-39 ტიპის თვითმფინავების მოდერნიზებას ახალი ნატოს სტანდარტების შესაბამის ავიონიკაზე და ახალ ამერიკული წარმოების FJ-44-4M ძრავებზე გადასვლას, ასევე თვითმფინავის ფრენის დროის და სიშორის გახანგრძლივებას.

L-39NG-ს თვითმფინავის პირველი წარდგენა გასულ წელს საფრანგეთში, საავიაციო გამოფენა „LE BOURGET“-ზე, ხოლო პირველი სატესტო გაფრენა სექტემბერში ჩეხეთში, ქალაქ ოსტრავაში „ნატოს დღეების“ ფარგლებში განხორციელდა.

ავიაციისა და საჰაერო ძალების დელეგაცია ქალაქ პარდუბიცეში მდებარე სიმულაციურ ცენტრშიც იმყოფებოდა, სადაც ქართველ სამხედრო მფრინავებს შესაძლებლობა ჰქონდათ L-39 NG-ს სიმულატორებზე ეფრინათ. სიმულაციურ ცენტრში სტუმრობისას ქართულმა მხარემ ჩეხი კოლეგებისგან საქართველოში L-39NG და UH-1H შვეულფრენის სიმულაციური ცენტრის გახსნასთან დაკავშირებით შეთავაზებაც მიიღო. ერთობლივი მუშაობა ჩეხეთის და საქართველოს საჰაერო ძალების დაახლოებასა და ჩეხეთის ნატოში ინტეგრაციის გზაზე გამოცდილების გაზიარებას შეუწყობს ხელს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა