ბრიუსელში დღეს საქართველოსთვის ვიზალიბერალიზაციის საკითხზე იმსჯელებენ

2016-06-01 10:22:48, 550 ნახვა

პოლიტიკა

საქართველოს ვიზალიბერალიზაციაზე დღეს ბრიუსელში ევროკავშირის მუდმივი წარმომადგენლების კომიტეტი იმსჯელებს.

შესაბამისი ინფორმაცია ევროკავშირის საბჭოს ოფიციალურ ვებგვერდზე გამოქვეყნდა.

ვიზალიბერალიზაციაზე ევროკავშირის ელჩებმა 24 მაისსაც იმსჯელეს, თუმცა მაშინ შეთანხმება ვერ შედგა.

20 მაისს კი, ევროკავშირის წევრი ქვეყნების იუსტიციისა და შინაგან საქმეთა მინისტრები, ბრიუსელში გამართულ სხდომაზე შეთანხმდნენ, რომ საქართველოსთვის ვიზალიბერალიზაციის დაწესების საკითხი ევროკავშირის მუდმივი წარმომადგენლების კომიტეტის (COREPER) სხდომაზე იქნება გატანილი.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან