|
2016-05-31 17:01:15, 980 ნახვა
ეკონომიკა
ფინანსთა მინისტრის მოადგილე ლაშა ხუციშვილი ქვეყნაში დადებით ეკონომიკურ ტენდენციებზე საუბრობს
ფინანსთა მინისტრის მოადგილემ, ლაშა ხუციშვილმა საქართველოს ეკონომიკაში მთელი რიგი მიმართულებით არსებულ დადებით ტენდენციებზე ისაუბრა და აღნიშნა, რომ საბოლოო ჯამში, ასახვა ქვეყნის ეკონომიკური ზრდის მაჩვენებელზე უნდა ჰპოვოს. ლაშა ხუციშვილის განცხადებით, დადებითი ტენდენციები ქვეყნის საექსპორტო მაჩვენებელში, როგორც საქონლის წმინდა ექსპორტში (რომელიც ბოლო 3 თვის განმავლობაში გაზრდილია 15 მლ დოლარზე მეტით), ისე მომსახურების ექსპორტში (ტურიზმის სექტორში - საქართველოში შემოსული ტურისტების რაოდენობა გაზრდილია 20%-ით) არსებობს. მისივე თქმით, შიდა ინვესტიციები, სახელმწიფო ინფრასტრუქტურული პროექტები გააქტიურებულია, ფულადი გადმორიცხვები ძველ ნიშნულს უბრუნდება, ბიზნესის მხრიდან დადებითი მოლოდინები საგრძნობლად არის გაზრდილი, რაც აპრილის თვეში გაზრდილ ეკონომიკურ ზრდაზე (4.3%) და ლარის კურსის სტაბილურად გამყარებაზე აისახა - ლარის კურსი ბოლო 2 თვის განმავლობაში დაახლოებით 15 %-მდე გამყარდა. ლაშა ხუციშვილის განცხადებით დადებითი ტენდენციები ბიუჯეტის საშემოსავლო ნაწილზეც ახდენს გავლენას. „წინასწარი მონაცემებით, შეიძლება ვთქვათ, რომ ბიუჯეტის საშემოსავლო ნაწილი დაგეგმილთან შედარებით გადაჭარბებით შესრულდება. ამ დროისთვის არსებული ინფორმაციით, მიმდინარე თვეში, შარშანდელ ანალოგიურ პერიოდთან შედარებით, ბიუჯეტში მობილიზებულია 50 მილიონი ლარით მეტი თანხა“, - განაცხადა ხუციშვილმა. ფინანსთა მინისტრის მოადგილის მიერ მოწოდებული ინფორმაციის მიხედვით, დღგ-ის გადამხდელების ბრუნვა აპრილის თვეში 9%-ით გაიზარდა; დღგ-ის 18%-ით დასაბეგრი ბრუნვა აპრილის თვეში 13%-ით გაიზარდა, რაც მაისის თვის საბიუჯეტო საშემოსავლო ნაწილზე აისახა. „იმ მონაცემებით რაც დღეს გვაქვს ცალსახად შეგვიძლია ვთქვათ, რომ ეკონომიკური ზრდა 3%-ზე მეტი იქნება. თუმცა, მომავალში როგორ განვითარდება საქართველოს ეკონომიკა კიდევ სხვა ბევრ ფაქტორზეა დამოკიდებული. ჩვენი მოლოდინი ამ ეტაპზე ასეთია - აპრილის მაჩვენებელი (4,3%-ზრდა) საკმაოდ კარგ იმედებს იძლევა,“ - აღნიშნა ხუციშვილმა. რაც შეეხება ლარის კურსის გამყარების დადებით ტენდენციას, ლაშა ხუციშვილის თქმით, ფინანსთა სამინისტროს ლარის კურსის გამყარების ტენდენციის მოლოდინი აქვს. „ჩემს მიერ ჩამოთვლილი ყველა ეკონომიკური მაჩვენებელი ადასტურებს, რომ ლარის კურსის გამყარება იქნება სტაბილური და გარკვეულ პერიოდზე გავრცობილი და არა მყისიერი და ერთჯერადი“, - აღნიშნა ფინანსთა მინისტრის მოადგილემ.
ზელენსკიმ უკრაინას, აშშ-სა და ევროპას შორის ლიდერების დონეზე მიმდინარე „რთულ“ დიალოგზე ისაუბრა
მაკა ბოჭორიშვილი: ჩვენ ვაგრძელებთ მუშაობას იმისათვის, რომ ეუთო-ს მომავალი წლის თავმჯდომარეობაზე კონსენსუსი იყოს მიღწეული
ხაბეიშვილი მოსამართლეებზე - ეს აბსოლუტური სკუნსები, როგორ ბედავენ საქართველოს სახელით საუბარს?! ეს თვალებყლეპია ხალხი ანწუხელიძეს, საქართველოს რა უფლებით ასამართლებს?!
ბოჭორიშვილი კატარის საგარეო საქმეთა სახელმწიფო მინისტრს, სულთან ბინ საად ალ-მურაიხის შეხვდა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



