წინასწარი შეფასებით, წინა წლის შესაბამის პერიოდთან შედარებით, აპრილში რეალური მთლიანი შიდა პროდუქტის ზრდის ტემპმა 4,3 პროცენტი შეადგინა.

საქართველოს სტატისტიკის ეროვნული სამსახურის ინფორმაციით, 2016 წლის I კვარტალის საშუალო რეალურმა ზრდამ 2,3 პროცენტი, ხოლო 2016 წლის პირველი ოთხი თვის საშუალო რეალურმა ზრდამ 2,8 პროცენტი შეადგინა.

მიმდინარე წლის იანვარ-აპრილში საქონლით საგარეო ვაჭრობის სტატისტიკის მაჩვენებლები ასე გამოიყურება: საქონლის ექსპორტი 608,1 მილიონი აშშ დოლარი, რაც წინა წლის შესაბამის პერიოდთან შედარებით 11, 7%-ით ნაკლებია. წინა წლის ანალოგიურ პერიოდთან შედარებით, 14,2%-ით გაიზარდა საქონლის იმპორტი. ამ მონაცემმა 2016 წლის იანვარ-აპრილში 2 679, 1 მილიონი აშშ დოლარი შეადგინა. აღნიშნულ პერიოდში საგარეო სავაჭრო ბრუნვა 3 287,2 მილიონი აშშ დოლარის ტოლია.

რაც შეეხება ახალდარეგისტრირებულ საწარმოთა რაოდენობას, მიმდინარე წლის იანვარ-აპრილში 3 952 ერთეული საწარმო დარეგისტრირდა, რაც წინა წლის ანალოგიურ პერიოდთან შედარებით 15,5%-ით მეტია. 9%-ით გაიზარდა ეკონომიკური ზრდის წინასწარი შეფასებებისას გამოყენებული დღგ-ის გადამხდელ საწარმოთა ბრუნვა და აღნიშნული მონაცემი იანვარ-აპრილში 4 196 მილიონი ლარია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ანგარიშის თანახმად, ევროკავშირი საკმარისად სწრაფად და ეფექტურად არ აშენებს თავის თავდაცვით შესაძლებლობებს

მაკრონმა ტრამპი გააფრთხილა, რომ აშშ-ის ნავთობის ექსპორტის შეჩერება ფასების ზრდას გამოიწვევდა.

ზელენსკიმ განაცხადა, რომ „ანკორიჯის შეთანხმებები“ მოლაპარაკებებში აღარ განიხილება

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ