თბილისი დღეს საქართველო-სლოვაკეთის ბიზნეს ფორუმს მასპინძლობს.

ღონისძიებას პრემიერ-მინისტრი გიორგი კვირიკაშვილი და საქართველოში ოფიციალური ვიზიტით მყოფი სლოვაკეთის პრეზიდენტი ანდრეი კისკა გახსნიან.

საქართველოს ეროვნული საინვესტიციო სააგენტოს ინფორმაციით, ღონისძიება საქართველოს ეროვნული საინვესტიციო საგენტოს, სლოვაკეთის ინვესტიციების და ვაჭრობის განვითარების სააგენტოს, საქართველოს დამსაქმებელთა ასოციაციის ორგანიზებით  და საქართველოს სავაჭრო-სამრეწველო პალატის პარტნიორობით იმართება.

ფორუმში მონაწილეობას იღებენ ქართველი და სლოვაკი ბიზნესის წარმომადგენლები უპირატესად ისეთი ბიზნეს-სექტორებიდან როგორებიცაა ენერგეტიკა, ინფორმაციული ტექნოლოგიები, ტრანსპორტი,ლოჯისტიკა, ინფრასტრუქტურა და ვაჭრობა.

ღონისძიებაზე იგეგმება ეროვნული საინვესტიციო სააგენტოს დირექტორი, გიორგი პერტაია დამსწრე საზოგადოებას გააცნობს საქართველოს საინვესტიციო გარემოს, სხვადასხვა მოწინავე სექტორების კონკურენტულ უპირატესობებს და ბიზნეს შესაძლებლობებს.

ენერგეტიკის სექტორის მიმართ განსაკუთრებული ინტერესის გათვალისწინებით, ცალკე პრეზენტაციას აღნიშნულ სექტორში საინვესტიციო შესაძლებლობების შესახებ გააკეთებს საქართველოს ენერგეტიკის მინისტრის მოადგილე, ილია ელოშვილი.

ღონისძიება ასევე ითვალისწინებს ორმხრივი  „B2B“ შეხვედრების სესიას, სადაც ორი ქვეყნის კერძო სექტორის წარმომადგებლები  შეძლებენ პირისპირ შეხვედრის ფორმატში გააცნონ ერთმანეთს საკუთარი საქმიანობა და განიხილონ სამომავლო თანამშრომლობის პერსპექტივები.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ანგარიშის თანახმად, ევროკავშირი საკმარისად სწრაფად და ეფექტურად არ აშენებს თავის თავდაცვით შესაძლებლობებს

მაკრონმა ტრამპი გააფრთხილა, რომ აშშ-ის ნავთობის ექსპორტის შეჩერება ფასების ზრდას გამოიწვევდა.

ზელენსკიმ განაცხადა, რომ „ანკორიჯის შეთანხმებები“ მოლაპარაკებებში აღარ განიხილება

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ