2016-05-24 13:04:55, 628 ნახვა

---

ხიდაშელი: მომხდარი მკვლელობა არ არის შემთხვევა, როდესაც მხოლოდ საქართველოს ხელისუფლება შეუძლია მყისიერი რეაქციის მოხდენა

„ხურჩაში მომხდარი მკვლელობა არ არის ის შემთხვევა, როდესაც ექსკლუზიურად, მარტო საქართველოს ხელისუფლებას შეუძლია მყისიერი რეაქციის მოხდენა“, - ასე უპასუხა საქართველოს თავდაცვის მინისტრმა თინა ხიდაშელმა შეკითხვას - „ხურჩაში მომხდარ ფაქტთან დაკავშირებით, რამედნად ადეკვატური იყო საქართველოს ხელისუფლების პასუხი“.

ხიდაშელის თქმით, მეორე მხარესთან აქტიური მოლაპარაკებები მიმდინაროებს, რათა დამნაშავის გამოვლენა და პასუხისგებაში მიცემა მოხდეს.

„არ შემიძლია ამაზე კომენტარის გაკეთება. მე არ ვიცი რას ნიშნავს ასეთ დროს ადეკვატური და არაადეკვატური. მე ვიცი, რომ მოხდა საზიზღარი, საზარელი მკვლელობა, რაზეც დამნაშავემ აუცილებლად პასუხი უნდა აგოს. ვიცი რომ აქტიური მოლაპარაკებები მიმდინარეობს მეორე მხარესთან, რათა მოხდეს ქმედითად დამნაშავის გამოვლენა და მისი პასუხისგებაში მიცემა. ეს არ არის ის შემთხვევა, როდესაც ექსკლუზიურად, მარტო საქართველოს ხელისუფლებას შეუძლია მყისიერი რეაქციის მოხდენა“, - განაცხადა თინა ხიდაშელმა.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი