|
2016-05-21 21:10:23, 1359 ნახვა
ეკონომიკა
ყატარის პრინცესა, შეიჰა ბინთ ჰამად ალთჰანი აჭარაში სასტუმრო ბიზნესით დაინტერესდა
აჭარის მთავრობის თავმჯდომარე არჩილ ხაბაძე დღეს ყატარის პრინცესას, შეიჰა ბინთ ჰამად ალთჰანის შეხვდა. შეიხა აჭარაში მსოფლიო საბრძოლო ხელოვნების ფესტივალის საპატიო სტუმრის რანგში ჩამოვიდა. შეხვედრისას არჩილ ხაბაძე სტუმარს რეგიონის კულტურულ, ტურისტულ და საინვესტიციო პოტენციალზე ესაუბრა. შეიჰა ალთჰანი აჭარაში სასტუმრო ბიზნესით დაინტერესდა და სამომავლოდ ამ კუთხით ინვესტიციის განხორციელების სურვილი გამოთქვა. ასევე რეგიონის მთავრობას შესთავაზა 2018 წლის ბავშვთა მსოფლიო საფეხბურთო ოლიმპიადის ბათუმში ჩატარება. ამისათვის კი მომავალ წელს რეგიონის ხელისუფლების წარმომადგენლები მონაკოში მიიწვია, სადაც შეიჰა ალთჰანის პატრონაჟით ტრადიციული ყოველწლიური ჩემპიონატი იმართება. ჩემპიონატის დასრულების შემდეგ იმართება სპეციალური კენჭისყრა, რის შემდეგაც შეირჩევა მომდევნო საჩემპიონატო ქალაქი, რომელიც შესაძლოა ბათუმი გახდეს. ჩემპიონატის დროს ხდება მოზარდების შერჩევაც, რომლებიც მსოფლიოს ცნობილი საფეხბურთო კლუბების სპორტულ სკოლებში გაიგზავნებიან უფასოდ სასწავლებლად. შეიჰა ბინთ ჰამად ალთჰანი არის გაეროს მშვიდობის ელჩი და მისი მისიაა სხვადასხვა ქვეყანაში სოციალურად დაუცველი ახალგაზრდების ჩართულობა სპორტულ სახეობებში. შეიჰას ვიზიტს საქართველოში და ბათუმში აშუქებს არაბულ სამყაროში ყველაზე გავლენიანი მედია საშუალება ,,ალ-ჯაზირა'' , რომელიც თან ახლავს პრინცესას. ვიზიტის შემდეგ რამდენიმე მილიონ მაყურებელს ექნება შესაძლებლობა გაიგოს ბათუმის შესახებ, რაც გაზრდის აჭარის, როგორც ტურისტულად მიმზიდველი რეგიონის ცნობადობის დონეს და დაინტერესებას არაბულ ქვეყნებში.
ზელენსკიმ უკრაინას, აშშ-სა და ევროპას შორის ლიდერების დონეზე მიმდინარე „რთულ“ დიალოგზე ისაუბრა
მაკა ბოჭორიშვილი: ჩვენ ვაგრძელებთ მუშაობას იმისათვის, რომ ეუთო-ს მომავალი წლის თავმჯდომარეობაზე კონსენსუსი იყოს მიღწეული
ხაბეიშვილი მოსამართლეებზე - ეს აბსოლუტური სკუნსები, როგორ ბედავენ საქართველოს სახელით საუბარს?! ეს თვალებყლეპია ხალხი ანწუხელიძეს, საქართველოს რა უფლებით ასამართლებს?!
ბოჭორიშვილი კატარის საგარეო საქმეთა სახელმწიფო მინისტრს, სულთან ბინ საად ალ-მურაიხის შეხვდა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



