საქართველოს იუსტიციის სამინისტროს მმართველობის სფეროში მოქმედი სსიპ „დანაშაულის პრევენციის ცენტრის" მედიაციის სახლის ბენეფიციარები მუზეუმებს ესტუმრნენ.

„დანაშაულის პრევენციის ცენტრის“ ინფორამციით, ბენეფიციარები იმყოფებოდნენ გიორგი ლეონიძის სახელობის ქართული ლიტერატურის სახელმწიფო მუზეუმში, სადაც დაათვალიერეს ძველი და თანამედროვე ქართული ლიტერატურის, აგრეთვე სხვადასხვა ქვეყნის კულტურული მემკვიდრეობის უნიკალური  ხელნაწერები, ცნობილი ქართველი და უცხოელი მწერლებისა და მხატვრების ფერწერული, ფოტო თუ დოკუმენტური მასალა, ბიბლიოგრაფიული წიგნები.

საინფორმაციო-შემეცნებითი ტური შემდეგ სიმონ ჯანაშიას სახელობის სახელმწიფო მუზეუმში გაგრძელდა. ბენეფიციარები გაეცნენ მუზეუმში დაცულ სხვადასხვა კოლექციას - უნიკალურ არქეოლოგიურ და ეთნოგრაფიულ ნივთებს, ქრისტიანული კულტურის მდიდარ მემკვიდრეობას, ჭედურ და ფერწერულ ხატებს, ჯვრებს, ნაქარგებს, ტიხრულ მინანქარს, აღმოსავლურ ძეგლებს, ნუმიზმატიკის მდიდარ კოლექციას, ოქროსა და ვერცხლის ნატიფ სამკაულებს ანტიკური კოლხეთიდან, უძველესი იარაღების გამოფენას,  აღმოსავლურ გამოფენას, საჭოთა ოკუპაციის ამსახველ გამოფენას და სხვა.

სსიპ „დანაშაულის პრევენციის ცენტრის" მედიაციის სახლი დანაშაულის გამომწვევი ფაქტორების შემცირების მიზნით, არასრულწლოვანი ბენეფიციარებისთვის პერიოდულად მართავს კულტურულ-საგანმანათლებლო გასვლით ღონისძიებებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლონდონში ანტისემიტიზმის წინააღმდეგ მასობრივი მიტინგი გაიმართა

რეჟიმის წარმომადგენელი პაპუაშვილი - ფიშერის ფაილი დახურულია, გერმანიაში მის გამგზავრებას ველოდებით

საპატრიარქოში აცხადებენ, რომ საეკლესიო კრებაზე 1 200-მდე დელეგატი იქნება

პატრიარქის არჩევასთან დაკავშირებით, 11 მაისს, 09:00 საათიდან 18:00-მდე სამების მიმდებარე ტერიტორიაზე, რამდენიმე მიმართულებით საავტომობილო მოძრაობა შეიზღუდება