2016-05-18 11:20:05, 574 ნახვა
საზოგადოება
ზუგდიდისა და ცაიშის მეუფის რეზიდენციაში ხანძარი გაჩნდა
ზუგდიდის რაიონ სოფელ კორცხელში ივერიის ღვთისმშობლის სახელობის დედათა სამონასტრო კომპლექსში, ზუგდიდისა და ცაიშის ეპარქიის მეუფის რეზიდენციაში ხანძარი გაჩნდა. ცეცხლს მეხანძრეები სამი საათის განმავლობაში აქრობდნენ.
ხანძრის შედეგად დაიწვა შენობის სხვენი, ხანძარი სავარაუდოდ, სწორედ აქ გაჩნდა. მისი გამოწვევის მიზეზი ამ ეტაპზე უცნობია, ერთ-ერთ ვერსიად ელექტროსადენები სახელდება.
რეზიდენციიდან ხატების და სიწმინდეების გამოტანა დროულად მოხერხდა, ხანძარი არ გადადებია გვერდით მდებარე სხვა შენობებს. ზარალის ოდენობა ამ ეტაპზე უცნობია.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
