საქართველოსა და კანადის საგარეო საქმეთა სამინისტროებს შორის მიმდინარე პოლიტიკური კონსულტაციების ფარგლებში, საგარეო საქმეთა მინისტრის პირველი მოადგილე დავით ზალკალიანი კანადაში შეხვედრებს განაგრძობს.

საგარეო საქმეთა სამინისტროს ინფორმაციით, მინისტრის პირველმა  მოადგილემ  შეხვედრა გამართა კანადის პარლამენტის წარმომადგენელთა პალატის საგარეო საქმეთა და საერთაშორისო განვითარების კომიტეტის თავმჯდომარესთან რობერტ ნოლტთან, ასევენატოს საპარლამენტო ასამბლეაში კანადის დელეგაციის ხელმძღვანელის მოადგილეებთან, წარმომადგენელთა პალატისწევრებთან, კრის ბიტლთან და შერილ გალანტთან.

მათივე ინფორმაციით, შეხვედრებზე განსაკუთრებული ყურადღება გამახვილდა საქართველოსა და კანადას შორის  პარლამენტთაშორისი ურთიერთობების გააქტიურებაზე და   საპარლამენტო დელეგაციების ვიზიტების გაცვლის შესაძლებლობაზე.

ქართულმა მხარემ ისაუბრა საქართველოს საგარეო პოლიტიკის პრიორიტეტებზე, ქვეყნის ვერო-ატლანტიკური ინტეგრაციის პროცესზე. მიმოიხილეს საქართველოს ოკუპირებულ ტერიტორიებზე არსებული ვითარება.

ხაზი გაესვა საერთაშორისო თანამეგობრობის მხარდაჭერის მნიშვნელობას საქართველოს საგარეო პოლიტიკური მისწრაფებების განხორციელების კუთხით.

ნატოს საპარლამენტო ასამბლეაში კანადის დელეგაციის ხელმძღვანელის მოადგილეებთან შეხვედრაზე განსაკუთრებული ყურადღება დაეთმო ნატოს 2016 წლის ვარშავის სამიტის მოსამზადებელ  საკითხებს. ამ მხრივ  აღინიშნა  ნატო-ში ინტეგრაციის გზაზე საქართველოს მიერ მიღწეული პროგრესის სათანადოდ ასახვის მნიშვნელობა. კანადურმა მხარემ კიდევ ერთხელ დაადასტურა  ნატოს საპარლამენტო ასამბლეის ფარგლებში საქართველოს ნატოში გაწევრიანების საკითხის მხარდაჭერა.

ვიზიტის ფარგლებში გაიმართა მინისტრის პირველი მოადგილის საჯარო გამოსვლა კარლტონის უნივერსიტეტის ევროპის, ევრაზიისა და რუსეთის სწავლებების ინსტიტუტში თემაზე „საქართველო დასავლეთისკენ: გამოწვევები და შესაძლებლობები." საკუთარ გამოსვლაში დავით ზალკალიანმა დეტალურად მიმოიხილა საქართველოს საგარეო პოლიტიკის პრიორიტეტები, ისაუბრა რეგიონში არსებულ უსაფრთხოების გარემოსა და გამოწვევებზე, საქართველოში მიმდინარე დემოკრატიული და ეკონომიკური რეფორმებზე. გამოსვლის დასრულების შემდგომ დავით ზალკალიანმა უპასუხა დამსწრე საზოგადოების  შეკითხვებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოდელი პრესლი გერბერი, სუპერმოდელ სინდი კროუფორდის ვაჟი 27 წლის ასაკში გარდაიცვალა - Rolling Stone

სახელმწიფო დუმის არჩევნები: წინასწარი შედეგები და პარტიის ლიდერების პირველადი რეაქციები

რამზან კადიროვმა ჩეჩნეთის საპრეზიდენტო არჩევნებში ხმების 97.35% მიიღო

დუმის არჩევნებში პუტინის პარტია Единая Россия [ერთიანი რუსეთი] 57,54%-ით ლიდერობს