“ერთიანი ნაციონალური მოძრაობა” პარტიის შტაბებზე განხორციელებულ თავდასხმებზე პასუხისმგებლობას ხელისუფლებას აკისრებს.

„ნაციონალური მოძრაობის“ განცხადებას „ექსპრესნიუსი“ უცვლელად გთავაზობთ:

"22 მაისს, ადგილობრივი თვითმმართველობის გამოტოვებული  წევრების არჩევნებში, სოფელ კორცხელსა და წყალტუბოში, ერთიანი ნაციონალური მოძრაობიდან კენჭს იყრიან მამუკა ლაშხია (სოფელ კორცხელში) და ბუხუტი ფირცხალავა (სოფელ წყალტუბოში) მათი შტაბები აქტიურად მუშაობენ.

ცხადია, ხელისუფლება შეშფოთებულია   მათი აქტიურობით, ამიტომ ზეწოლის ჩვეულ ხერხს მიმართავს - დღეს გამთენიისას, თავდასხმა მოხდა შტაბებზე,  დაზიანებულია კანდიდატების საარჩევნო ბანერები. ამ ვანდალურ თავდასხმაზე პასუხისმგებლობა მთლიანად   ხელისუფლებას ეკისრება.

ნათელია, ხელისუფლებამ გადაწყვიტა გააგრძელოს გასული წლების  პრაქტიკა, როდესაც მოსახლეობის პრობლემის გადაჭრისა და ქვეყნის განვითარებაზე ზრუნვის ნაცვლად, ივანიშვილის ხელისუფლება მის მიერვე ორგანიზებული ჯგუფების ხელით თავს ესხმოდა და არბევდა ნაციონალური მოძრაობის შტაბებს. ეს საქმეები დღემდე გამოუძიებელია და არავინ დასჯილა.

ნათელია, რომ  პრემიერ-მინისტრი გიორგი კვირიკაშვილი მისი წინამორბედის, ღარიბაშვილის გზას დაადგა და ისიც ივანიშვილის მარიონეტია - გარდა ზეწოლებისა, ხდება ადმინსტრაციული რესურსის გამოყენება. საარჩევნო ადმინისტრაციის წარმომადგენლები დაუფარავად მონაწილეობენ  ხელისუფლების კანდიდატების წინასაარჩევნო ღონისძიებებში.

ვაფრთხილებთ ხელისუფლებას, მსგავსი ქმედებებით ერთიან ნაციონალურ მოძრაობას  ვერ გააჩერებთ და ვერც არჩევნების შედეგებზე მოახდენთ  გავლენას.

კიდევ ერთხელ ვიმეორებთ, მთელი პასუხისმგებლობა მსგავს შემთხევებზე ეკისრება  ხელისუფლებას, პირადად გიორგი კვირიკაშილსა და შს მინისტრს, რომელთაც არ სურთ გამოიძიებულ იქნას ეს დარღვევები.

ჩვენი პასუხი კი, ხელისუფლების მსგავს უპასუხისმგებლო  ქმედებებზე, იქნება ნაციონალური მოძრაობის გამარჯვება არჩევნებში, ივანიშვილის ქართული ოცნების მმართველობის დასასრული და ქვეყნის კრიზისიდან გამოყვანის გეგმის სწრაფი განხორციელება“, - ნათქვამია „ნაციონალური მოძრაობის“ განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალასმა შრიოდერის კანდიდატურა რუსეთთან ევროკავშირიდან მომლაპარაკებლად უარყო - იგი რუსეთის ლობისტია

ტრამპი უკმაყოფილოა სამშვიდობო წინადადებებზე ირანის პასუხით

უკრაინამ აღიარა, რომ მისმა დრონებმა ლატვიაში ნავთობის საწყობი დაბომბეს

რუსეთმა და უკრაინამ ერთმანეთი სამდღიანი ცეცხლის შეწყვეტის შეთანხმების დარღვევაში დაადანაშაულეს