2016-05-06 15:53:36, 684 ნახვა
საზოგადოება
მთაწმინდის შემოერთებულ ტერიტორიებზე 250 ფოთლოვანი და წიწვოვანი ხე-მცენარე დაირგო
საგაზაფხულო გამწვანების ღონისძიებების ფარგლებში, მთაწმინდის რაიონში გამწვანების აქცია გაიმართა.
თბილისის მერიის ინფორმაციით, მთაწმინდის რაიონის შემოერთებულ ტერიტორიებზე, ტაბახმელასა და შინდისში 190 კვიპაროსის ხე დაირგო, კიკეთსა და კოჯორში კი 60 ფოთლოვანი და წიწვოვანი ხე-მცენარე.
მათივე ცნობით, გამწვანების აქციაში მონაწილეობა მთაწმინდის რაიონის გამგებელმა გელა არჩვაძემ, რაიონის საკრებულოს მაჟორიტარმა დეპუტატმა ჯაბა ჯიშკარიანმა, ადგილობრივი თვითმმართველობის წარმომადგენლებმა, მოსახლეობამ და სკოლის მოსწავლეებმა მიიღეს.
საგაზაფხულო სეზონის დასრულებამდე, მთაწმინდის რაიონში 1 000 წიწვოვანი და ფოთლოვანი ხე დაირგვება.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
