"აუდიტორია 115"-ის წევრები დარეჯან თვალთვაძეს საარჩევნო აგიტაციაში ადანაშაულებენ

2016-04-28 17:12:23, 601 ნახვა

საზოგადოება

თსუ-ის პირველ კორპუსში, სტუდენტებსა და რექტორის მოვალეობის შემსრულებელ დარეჯან თვალთვაძეს შორის შეხვედრა ხმაურის ფონზე მიმდინარეობდა.

რექტორის მოვალეობის შემსრულებელმა უნივერსიტეტში ჩასატარებელ არჩევნებზე ისაუბრა, რის შემდეგაც კითხვა-პასუხის რეჟიმი დაიწყო.

"აუდიტორია 115"-ის წევრებმა დარეჯან თვალთვაძე საარჩევნო აგიტაციაში დაადანაშაულეს და ჰკითხეს, აპირებს თუ არა მონაწილეობას რექტორის არჩევნებში. რაზეც თვალთვაძემ უპასუხა, რომ "წინასწარ ვერაფერს იტყვის. "აუდიტორია 115"-ის წევრებმა თვალთვაძეს საკუთარი დეკანობის პერიოდი გაახსენეს.
როგორც სტუდენტებმა აღნიშნეს, "ის მახინჯი სისტემის ნაწილი იყო, არაფერი შეცვალა და, შესაბამისად არჩევნებში მონაწილეობის მორალური უფლება არ აქვს".

შეხვედრას "აუდიტორია 115"-ის წევრების მხოლოდ ნაწილი ესწრებოდა, რომლებმაც შეხვედრა უკვე დატოვეს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან