საქართველოს პრეზიდენტის ადმინისტრაციის უფროსი გიორგი აბაშიშვილი, ბერლინში, კონრად ადენაუერის ფონდის ორგანიზებულ მე-5 ქართულ-გერმანულ სტრატეგიულ ფორუმში მონაწილეობს.

პრეზიდენტის ადმინისტრაციის პრესსამსახურის ინფორმაციით, გიორგი აბაშიშვილმა ფორუმზე დამსწრე საზოგადოებას სიტყვით მიმართა და საქართველოს გეოპოლიტიკურ როლსა და იმ სტრატეგიული პროექტების განხორციელებაზე ისაუბრა, რომლებსაც არა მხოლოდ საქართველოს ეკონომიკური განვითარების, არამედ როგორც რეგიონის, ასევე ევროპის ენერგოუსაფრთხოებისა და სავაჭრო არეალის გაფართოებისათვის დიდი მნიშვნელობა ენიჭება.

გიორგი აბაშიშვილმა სიტყვით გამოსვლისას ყურადღება გაამახვილა საქართველოს საინვესტიციო შესაძლებლობებსა და მიმზიდველობაზე.

ფორუმის ფარგლებში საქართველოს პრეზიდენტის ადმინისტრაციის უფროსმა ორმხრივი შეხვედრები გერმანიის სახელისუფლებო სტრუქტურების წარმომადგენლებსა და საგარეო პოლიტიკისა და ეკონომიკის საკითხებში ადგილობრივ მკვლევარებთანაც გამართა.

ქართულ-გერმანული სტრატეგიული ფორუმი კონრად ადენაუერის ფონდის ინიციატივით 2012 წლიდან იმართება და წელს მას ბერლინი პირველად მასპინძლობს. ფორუმი საქართველოს ატლანტიკური საბჭოს თანაორგანიზატორობითა და ბერლინში საქართველოს საელჩოს მხარდაჭერით მიმდინარეობს.    

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქართველოს მხარეზე მებრძოლი UNA-UNSO-ს დამფუძნებელი, მიკოლა კარპიუკი ოკუპანტებთან ბრძოლაში დაიძღუპა

არჩევნები ბერლინი და მეკლენბურგ-წინა პომერანიაში: AfD ლიდერობს, თუმცა მთავრობას ვერსად ჩამოაყალიბებს

ჰუსიტებმა პირველად შეუტიეს საუდის არაბეთის დედაქალაქს

მოსკოვში „გაზპრომ ნეფტის“ ბენზინგასამართ სადგურებზე დრონით თავდასხმის შემდეგ, ბენზინი გაქრა