|
2015-02-21 00:34:01, 2061 ნახვა
ეკონომიკა
ირაკლი ალასანია: ქართული ეკონომიკა კოლაფსის წინაშე დგას
„თავისუფალი დემოკრატების“ ლიდერის ირაკლი ალასანიას განცხადებით, ქართული ეკონომიკა კოლაფსის წინაშე დგას. ამის შესახებ ალასანიამ გადაცემა „რეაქციაში“ საუბრისას განაცხადა. მისი თქმით, ლარის გაუფასურება და ეკონომიკური გუნდის მუშაობა მოქალაქეებს მძიმე ტვირთად აწევს. „ქართული ეკონომიკა კოლაფსის წინაშე დგას. ლარის გაუფასურება და ზოგადად ეკონომიკური გუნდის მუშაობა ჩვენს მოქალაქეებს აუტანელ ტვირთად აწევს. პარლამენტს აქვს ზედამხედველობის ფუნქცია და თითოეულ დეპუტატს უნდა აინტერესებდეს, თუ რა კონკრეტულ ანტიკრიზისულ გეგმას ადგენს ეკონომიკური გუნდი, ფინანსთა და ეკონომიკის მინისტრი. თათბირი, რომელიც ვიცე-პრემიერის ხელმძღვანელობით ჩატარდა, რა თქმა უნდა სწორია, მაგრამ ამავდროულად ძალიან დაგვიანებულია. მთავრობას კრიზისის მოგვარზებაზე ზრუნვა დეკემბერში უნდა დაეწყო. ანტიკრიზისული გეგმის წარდგენა უნდა მოხდეს საჯაროდ და ყველამ უნდა დაინახოს თუ რა ნაბიჯების გადადგმას აპირებს მთავრობა“, - განაცხადა ირაკლი ალასანიამ. ამასთან, ალასაინამ აღნიშნა, რომ ლარის გაუფასურებასთან დაკავშირებით, მთავრობამ ორ საკითხზე უნდა დაიწყოს ზრუნვა. „რითი წაახალისებენ ექსპორტს და რა მექანიზმებით უზრუნველყოფენ ინვესტიციების შემოტანას ქვეყანაში. თუ გონივრულად დაგეგმავენ კომპეტენტურ ადამიანებთან მოკლევადიან ანტიკრიზისულ ნაბიჯებს, შედეგი შეიძლება დაიდოს. ეს პრობლემები გაგრძელდება მარტო იმ მიზეზის გამო, თუნდაც რომ გადაწყვეტილების მიღებაში სისტემური პრობლემაა. ქვეყანაში უნდა დამთავრდეს კულუარებიდან არაფორმალური მართვა. ვიცე-პრემიერს, თუ მას აძლევენ უფლებას რომ მართოს ეს ეკონომიკა, უნდა მისცენ უფლებები, აბსოლუტური დამოუკიდებლობა მიიღოს გადაწყვეტილებაში და ამ პროცესებში ბიძინა ივანიშვილი არ უნდა ჩაერიოს“, - დასძინა ირაკლი ალასანიამ.
მაკა ბოჭორიშვილი: ჩვენ ვაგრძელებთ მუშაობას იმისათვის, რომ ეუთო-ს მომავალი წლის თავმჯდომარეობაზე კონსენსუსი იყოს მიღწეული
ხაბეიშვილი მოსამართლეებზე - ეს აბსოლუტური სკუნსები, როგორ ბედავენ საქართველოს სახელით საუბარს?! ეს თვალებყლეპია ხალხი ანწუხელიძეს, საქართველოს რა უფლებით ასამართლებს?!
ბოჭორიშვილი კატარის საგარეო საქმეთა სახელმწიფო მინისტრს, სულთან ბინ საად ალ-მურაიხის შეხვდა
პროკურატურა - ღარიბაშვილის უფლებების შესაძლო დარღვევაზე გამოძიების დაწყების საფუძველი არ არსებობს
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



