2016-04-20 22:30:16, 464 ნახვა
პოლიტიკა
საქართველოს გაეროს გენერალური მდივანი ბან კი მუნი ეწვევა
23-24 აპრილს საქართველოს ოფიციალური ვიზიტით გაერო-ს გენერალური მდივანი, ბან კი მუნი ეწვევა. ვიზიტის ფარგლებში გენერალური მდივანი შეხვდება საქართველოს საკანონმდებლო და აღმასრულებელი ხელისუფლების წარმომადგენლებს და მონაწილეობას მიიღებს პროგრამით გათვალისწინებულ სხვა ღონისძიებებში. აღსანიშნავია, რომ 1994 წლის შემდეგ ეს გახლავთ გენერალური მდივნის პირველი ოფიციალური ვიზიტი საქართველოში.
გაერო-ს გენერალური მდივანი, ბან კი მუნი თბილისს საქართველოს პრემიერ-მინისტრის მოწვევით ესტუმრება, რის შემდეგაც ვიზიტს სომხეთსა და აზერბაიჯანში განაგრძობს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
