|
2016-04-14 11:02:37, 1125 ნახვა
ეკონომიკა
საქართველოში გერმანული ლუდის "König Pilsener"- ის ახალი სახეობის წარმოება დაიწყო
საქართველოში გერმანული ლუდის "König Pilsener"- ის ახალი სახეობის წარმოება დაიწყო. ეს ლუდსახარში " ზედაზენის " და გერმანული კომპანია “Bitburger Braugruppe”- ს თანამშრომლობის მეორე ეტაპია. გერმანული ლუდის ინდუსტრიის ლიდერი მომხმარებელს შავ "კიონიგ პილსნერს" სთავაზობს. ,,ეს ქართული ლუდის ინდუსტრიისათვისაც პირველი შემთხვევა იყო, როდესაც მოხდა ასეთი დონის საერთაშორისო ლუდის ბრენდის ლიცენზირება ქართული კომპანიისათვის. რა თქმა უნდა, გერმანული მხარე მკაცრად აკონტროლებს მისი ბრენდის ქვეშ წარმოებული პროდუქციის ხარისხს და ადარებს მას დუისბურგში წარმოებულ ლუდს. სიამაყით გვავსებს ის ფაქტი, რომ ხშირია შემთხვევა, როდესაც გერმანელი დეგუსტატორების შეფასება ლუდისა "König Pilsener" წარწერით MADE IN GEORGIA უფრო მაღალია, ვიდრე გერმანიაში წარმოებული "König Pilsener". რაც შეეხება შავი "König Pilsener"- ის წარმოებას ეს არის გერმანული შავი ლუდების აფსოლუტურად ახალი სეგმენტი“, - განაცხადა კომპანია ,,ზედაზენის’’ გენერალურმა დირექტორმა ვასილ სულხანიშვილმა. ს.ს „ ქართული ლუდის კომპანიის “ კომერციული სამსახურის ხელმძღვანელი კახა პაიჭაძე აღნიშნავს, რომ "König Pilsener“ მუქი, ყველა სხვა ამ ტიპის ლუდისგან პირველ რიგში თავისი კლასით გამოირჩევა. მაღალი კლასი იგრძნობა ყველაფერში გარდა ფასისა: ფერი - კეთილშობილი მუქი ტონები, ქაფი - მუქი კრემისფერი, შუშხუნა, წვრილმარცვლოვანი. მისივე თქმით, სურნელში აღიქმება ერთმანეთთან ჰარმონიულად შერწყმული რამდენიმე ნოსტალგიური არომატი - სოფლად გამომცხვარი რუხი პურის, გაზაფხულს ახლად - დაბარული შავმიწა ნიადაგის, ნედლი მუხის მერქანის და დილისკენ შეგრილებული ბუხრის. გემოში წინა პლანზე მოდის მიუნხენური ალაოს დელიკატური ნოტები, რომლებიც ნაზად ადნება გემოს რეცეპტორებს და ნელა მიილევა, შემდეგ მოდის კარამელისა და ნაღების გემოების მინიშნება, გვიჩნდება მუხის კასრში დაძველებული სასმელის აღქმა, ხოლო დასასრულისკენ მოდის კეთილშობილი სვიის ნაზი სიმწარე.’’ "König Pilsener “ - ი მუქი გაყიდვაში დღეიდან (14 აპრილიდან) გამოვა.
(R)
ზელენსკიმ უკრაინას, აშშ-სა და ევროპას შორის ლიდერების დონეზე მიმდინარე „რთულ“ დიალოგზე ისაუბრა
მაკა ბოჭორიშვილი: ჩვენ ვაგრძელებთ მუშაობას იმისათვის, რომ ეუთო-ს მომავალი წლის თავმჯდომარეობაზე კონსენსუსი იყოს მიღწეული
ხაბეიშვილი მოსამართლეებზე - ეს აბსოლუტური სკუნსები, როგორ ბედავენ საქართველოს სახელით საუბარს?! ეს თვალებყლეპია ხალხი ანწუხელიძეს, საქართველოს რა უფლებით ასამართლებს?!
ბოჭორიშვილი კატარის საგარეო საქმეთა სახელმწიფო მინისტრს, სულთან ბინ საად ალ-მურაიხის შეხვდა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



