საკონსტიტუციო სასამართლო ოპოზიციური პარტიების აკრძალვის სარჩელის განხილვას აგრძელებს. პროცესები ჩაინიშნა მომდევნო კვირას, 26-30 ოქტომბერს. ამის შესახებ დღევანდელი სხდომის დასრულებისას გახდა ცნობილი.

"მინდა გაცნობოთ, რომ ისე წარიმართა სხდომები, რომ საკმაოდ გაგრძელდა და მომდევნო კვირასაც ჩვენ ინტენსიურად გავაგრძელებთ მუშაობას და მომდევნო კვირას, ორშაბათი, სამშაბათი, ოთხშაბათი, ხუთშაბათი, პარასკევი სრულად იქნება სხდომები ჩანიშნული." - განაცხადა სხდომის თავმჯდომარემ, რევაზ ნადარაიამ.

ცნობისთვის, ოპოზიციურ პარტიებს 25 ოქტომბერს 19 საათზე თსუ-სთან დაგეგმილი აქვთ აქცია. მათი თქმით, 25 ოქტომბერი იქნება დასაწყისი კამპანიის, რომლის კულმინაციაც 28 ნოემბერს იქნება დიდი აქცია თბილისში.

"25 ოქტომბერს, თსუ-ს პირველ კორპუსთან შევიკრიბებით და დავიწყებთ ალიანსის ერთობლივ კამპანიას საქართველოზე, ივანიშვილის გარეშე, რადგან ქართველი ხალხი უკეთესს იმსახურებს,

კამპანია მიზნად ისახავს 28 ნოემბერს დიდი აქციის მოწყობას თბილისში საქართველოსთვის, სადაც მოქალაქე თავისუფალი და დაცულია, ოჯახი ძლიერია და ცხოვრების ხარისხი ევროპულია.

ქართველი ხალხი თავად გადაწყვეტს საკუთარ მომავალს - ივანიშვილის გარეშე.

25 ოქტომბერს, 19 საათზე თსუ-თან" - განაცხადეს ბრიფინგზე.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ელენე ხოშტარია - ძალიან სასიამოვნოა ოპოზიციის ერთად ყურება, განსაკუთრებით ერთიან და მართალ საქმეში - ერთად ძალიან ძლიერები ვართ!

საკონსტიტუციო პარტიების აკრძალვის სარჩელის განხილვას 26-30 ოქტომბერსაც გააგრძელებს

ავტობანზე ავარიისას 2 ადამიანი დაშავდა

პენიტენციური სამსახური -სინამდვილეს არ შეესაბამება თითქოს გიორგი ფეიქრიშვილი დეესკალაციის ოთახში იმყოფება და ჭრილობებიდან სისხლდენა აღენიშნება