რუსთავში  9 აპრილის 27-ე წლისთავი ახალი მემორიალის გახსნით აღინიშნა. 

ამის შესახებ „ექსპრესნიუსს“ რუსთავის მერიიდან აცნობეს.

მემორიალი ყვავილებით რუსთავის მერმა დავით ჯიქიამ, რუსთავის მაჟორიტარმა დეპუტატმა ზვიად ძიძიგურმა, ქვემო ქართლის გუბერნატორმა და რუსთავის საკრებულოს თავმჯდომარემ შეამკეს. მემორიალთან დღეს 1989 წლის 9 აპრილის მოვლენების მონაწილეები და რიგითი მოქალაქეები შეიკრიბნენ.  რუსთავის დიდების ხეივანში ამ დღისადმი მიძღვნილი ღონისძიებაც გაიმართა, სადაც სიმბოლურად ყველა ის სიმღერა შესრულდა, რომელიც 27 წლის წინ, რუსთველის პროსპექტზე ისმოდა.

„9 აპრილი საქართველოს ისტორიაში ერთ-ერთი ყველაზე ტრაგიკული და ამავე დროს საამაყო თარიღია. 27 წელი გავიდა 1989 წლის 9 აპრილის შემდეგ. ეს ის დღეა, რომელიც ერის  მეხსიერებაში სამუდამოდ დარჩა და თაობიდან თაობას გადაეცემა. არასდროს არ უნდა დაგვავიწყდეს და სულ უნდა გვახსოვდეს იმ ადამიანების სახელები, ვისი სიცოცხლეც საძირკვლად უდევს ჩვენი ქვეყნის დამოუკიდებლობას“, - განაცხადა რუსთავის მერმა.

9 აპრილის მემორიალი რუსთავში 2010 წელს აიღეს. აღდგენილი ძეგლი, რომელიც დღეს გაიხსნა რუსთავში,  მოქანდაკე ვალერი ჯიქიას ეკუთვნის.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პაპუაშვილი - ვერ მივიღებთ ჩვენი ისტორიის გადაწერისკენ მიმართულ კამპანიებს, ეს დევს მოწოდებებში, რომ 9 მაისი აღინიშნოს 8 მაისს, 9 მაისი „რუსულია“, რვა - „ევროპული“, ეს არჩევანი ყალბია

Amnesty International -მხოლოდ ეს ხუთი დაპატიმრება ნაკლებად ცვლის დაუსჯელობის უფრო ფართო სურათს საქართველოში

საფრანგეთში ჰანტავირუსით ინფიცირებულ პირებთან კონტაქტში მყოფი რვა ადამიანი კარანტინში მოათავსეს

ზელენსკის განკარგულებით, უკრაინის დარტყმის გეგმიდან მხოლოდ წითელ მოედანს გამორიცხავს