|
2016-04-07 17:07:23, 1606 ნახვა
ეკონომიკა
"ჯი-ემ-პი" ესპანეთში მედიკამენტების წარმოებას იწყებს
„ჯი-ემ-პი“ მედიკამენტების წარმოებას საქართველოს ფარგლებს გარეთ აგრძელებს და კიდევ ერთ პრეპარატს ესპანეთში აწარმოებს. მედიკამენტის ესპანეთში წარმოებასთან დაკავშირებით მემორანდუმი „ჯი-ემ-პიმ“ ესპანურ „კერნ ფარმასთან“ გააფორმა. „ჯი-ემ-პი“ ესპანეთში წარმოებულ მედიკამენტებს სხვადასხვა ქვეყანაში გაყიდის. აღნიშნულ საკითხზე პრესკონფერენცია მხარეებმა დღეს გამართეს. ფარმაცევტული კომპანია „ჯი-ემ-პის“ გენერალური დირექტორის გიორგი ანთაძის განცხადებით, საუბარია მედიკამენტ „ტურბომიკრონ G“-ზე, რომელიც ვენების დაავადების სამკურნალოდ გამოიყენება. ""ჯი-ემ-პის" ისტორიაში განსაკუთრებული დღეა, რადგან "ჯიემპი"-მ გააფართოვა თავისი მოღვაწეობა. ახლა უკვე ევროკავშირის ერთ-ერთ ქვეყანაში, კერძოდ ესპანეთში ვაწარმოებთ ახალ პრეპარატს. "კერ ფარმა" აწარმოებს ჩვენთვის პრეპარატს, რომელიც საქართველოში უკვე შემოსულია, "ტურბომიკრონ G", ქვედა კიდურების ვენების დაავდების სამკურნალო საშუალება",-აღნიშნა ანთაძემ. "პსპ-სთან ხელშეკრულება ძალზედ მნიშვნელოვანია, აქტიურად ვმუშობთ მასთან. გვინდა, რომ "კერ ფარმა"-მ შემდგომში ყველაზე თანამედროვე პარმაცეფტული პროდუქტი პსპ-ს მეშვეობით შემოიტანის ქართულ ბაზარზე",-განაცხადა "კერ ფარმა"-ს ექსპორტის მენეჯერმა ჰაიმე როდომ. „პე-ეს-პე ჯგუფის“ ხელმძღვანელის გოჩა გოგილაშვილის განცხადებით, ახალი პრეპარატის ბაზარზე შემოტანა პსპ-ს იმ პოლიტიკის გაგრძელებაა, რომელიც მხოლოდ ხარისხიან მედიკამენტებზე ორიენტაციას გულისხმობს. "პსპ 22 წლისაა და შეიძლება ვთქვათ, რომ დღეს არის ფარმაციის ლიდერი. ჩვენთან არის ხარისხიანი მედიკამენტი, ხარისხიანი მომსახურება და ყველაზე დაბალი ფასი.ახალი პრეპარატის შემოტანა სწორედ პსპ-ს პოლიტიკის გაგრძელებაა. მხოლოდ ხარისხიან მედიკამენტებზე ვართ ორიენტირებული",-განაცხადა გოჩა გოგილაშვილმა. წარმოების მოცულობით, "კერ ფარმა" ერთ-ერთი წამყვანი კომპანიაა ევროკავშირის ბაზარზე. ის "Indukern" ჯგუფის წევრია და მსოფლიოს 70 ქვეყანაში მუშაობს. "ჯი-ემ-პი" 100% ქართული ინვესტიციებით დაფუძნებული კომპანიაა, რომელიც დღეისათვის 200-ზე მეტ დასახელების პროდუქტს აწარმოებს საქართველოსა და მის ფარგლებს გარეთ. აქედან 100-ზე მეტ დასახელების მედიკამენტს მსოფლიოს სხვადასხვა ქვეყანაში ყიდის. საქართველოში "ჯი-ემ-პის" პროდუქტები პოპულარული მისი ხარისხისა და ფასის გამო გახდა და გასულ წელს მხოლოდ საქართველოში 5,5 მილიონი კოლოფი გაიყიდა. "ჯი-ემ-პი" პრეპარატებს საერთაშორისო GMP სტანდარტით აწარმოებს და წარმოების სრული ციკლი აქვს.
(R)
ზელენსკიმ უკრაინას, აშშ-სა და ევროპას შორის ლიდერების დონეზე მიმდინარე „რთულ“ დიალოგზე ისაუბრა
მაკა ბოჭორიშვილი: ჩვენ ვაგრძელებთ მუშაობას იმისათვის, რომ ეუთო-ს მომავალი წლის თავმჯდომარეობაზე კონსენსუსი იყოს მიღწეული
ხაბეიშვილი მოსამართლეებზე - ეს აბსოლუტური სკუნსები, როგორ ბედავენ საქართველოს სახელით საუბარს?! ეს თვალებყლეპია ხალხი ანწუხელიძეს, საქართველოს რა უფლებით ასამართლებს?!
ბოჭორიშვილი კატარის საგარეო საქმეთა სახელმწიფო მინისტრს, სულთან ბინ საად ალ-მურაიხის შეხვდა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



