7 აპრილს, ქუთაისში, საქართველო-ლატვიის რეგიონული ეკონომიკური ფორუმი გაიმართება.

ამის შესახებ „ექსპრესნიუსს“ საგარეო საქმეთა სამინისტროდან აცნობეს.

მათივე ინფორმაციით, ბიზნეს ფორუმს გახსნიან საგარეო საქმეთა მინისტრის მოადგილე, დავით ჯალაღანია, იმერეთის გუბერნატორი, გივი ჭიჭინაძე, ქ. ჯელგავას მუნიციპალიტეტის მერი, ანდრის რავინსი და ლატვიის სრულუფლებიანი ელჩი საქართველოში, ელიტა გაველე.

ბიზნეს ფორუმზე ლატვიის წარმომადგენლები თავიანთ გამოცდილებას გაუზიარებენ ქართულ მხარეს სოფლის მეურნეობის, ეკოლოგიური საზოგადოებრივი ტრანსპორტისა და მრეწველობის სფეროებში.

როგორც საგარეო უწყებაში აცხადებენ, ლატვიის ბიზნეს წარმომადგენლების საქართველოში ვიზიტი მიზნად ისახავს ორი რეგიონის მუნიციპალიტეტების  დამეგობრებასა და ბიზნეს ურთიერთობების კიდევ უფრო გაღრმავებას.

ცნობისთვის, საქართველო-ლატვიის რეგიონული ეკონომიკური ფორუმი საქართველოს საგარეო საქმეთა სამინისტროს და ლატვიაში საქართველოს საელჩოს ინიციატივით გაიმართება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ

ხაბეიშვილი - ვცდილობ სიმართლე გითხრათ: დაყენებული სახეები, ფონად წიგნები და ხალხის დაშტერება, მოტყუება, რომ ჩვენი ბედი ბრიუსელში ან “აშხაბადში” წყდება

სიძულვილით გამორჩეული სამხარაძის მევიოლინე მამას 4 ქალაქში კონცერტისთვის ბიუჯეტიდან 164 750 ლარს გადაუხდიან

საპატრიარქო შეშფოთებულია აზერბაიჯანში ქართულ ტაძარში მიმდინარე სამუშაოებით