|
2026-06-23 12:19:29, 2038 ნახვა
ეკონომიკა
500 Global in Eurasia-ს მეათე ნაკადის დემო დღე 25 ივნისს გაიმართება
25 ივნისს, თბილისში, საერთაშორისო სტარტაპ აქსელერაციის პროგრამის 500 Global in Eurasia-ს მეათე ნაკადის დემო დღე გაიმართება. ღონისძიება თავს მოუყრის ევრაზიის რეგიონის ერთ-ერთ ყველაზე პერსპექტიულ, ადრეული ეტაპის ტექნოლოგიურ სტარტაპებს, საერთაშორისო ვენჩურულ ინვესტორებს (VC), კორპორაციული სექტორის წარმომადგენლებსა და ინოვაციების ეკოსისტემის ლიდერებს. 500 Global in Eurasia საქართველოში საქართველოს ბანკისა და საქართველოს ინოვაციებისა და ტექნოლოგიების სააგენტოს (GITA) მხარდაჭერით ხორციელდება და მიზნად ისახავს რეგიონში ტექნოლოგიური სტარტაპების განვითარებას, მათთვის საერთაშორისო ექსპერტიზის გაზიარებასა და გლობალურ ბაზრებზე ზრდის შესაძლებლობების შექმნას. დემო დღის ფარგლებში, 12-კვირიანი აქსელერაციის პროგრამის მონაწილეები აუდიტორიას საკუთარ პროდუქტებს, მიღწეულ პროგრესსა და სამომავლო ხედვას წარუდგენენ. ღონისძიება სტარტაპებისთვის უნიკალური შესაძლებლობაა, შეხვდნენ პოტენციურ ინვესტორებს, დაამყარონ ახალი პარტნიორობები და საერთაშორისო ეკოსისტემის წარმომადგენლებისგან პროფესიონალური უკუკავშირი მიიღონ. თუ გაინტერესებთ ტექნოლოგიური ინოვაციები, სტარტაპები, ვენჩურული ინვესტიციები და რეგიონში განვითარებადი სამეწარმეო ეკოსისტემა, დაესწარით 500 Global in Eurasia-ს მეათე ნაკადის დემო დღეს. ღონისძიებაზე დასასწრებად გაიარეთ რეგისტრაცია: https://events.500.co/500eurasiabatch10demoday/BOG ინფორმაციისთვის, 2022 წელს 500 Global-მა, საქართველოს ბანკთან და GITA-სთან ოთხწლიანი პარტნიორობის ხელშეკრულება გააფორმა, რომლის ფარგლებშიც, 500 Global in Eurasia-ს აქსელერაციის პროგრამა საქართველოში, თბილისში წელიწადში ორჯერ იმართება. 500 Global-ის შესახებ: 500 Global არის გლობალური ვენჩურული საინვესტიციო კომპანია, რომელიც, 2023 წლის 31 დეკემბრის მონაცემებით, 2.4 მილიარდიან აქტივებს მართავს. იგი ინვესტიციას ახორციელებს სტარტაპებში, რომლებიც ქმნიან სწრაფად მზარდ ტექნოლოგიურ კომპანიებს. 500 Global მჭიდროდ თანამშრომლობს ეკოსისტემის მთავარ მონაწილეებთან და კონსულტაციას უწევს მთავრობებს, შექმნან ისეთი სამეწარმეო ეკოსისტემა, რომელშიც სტარტაპებს ექნებათ სწრაფი განვითარების შესაძლებლობა. დღემდე 500 Global-მა მხარი დაუჭირა 5000-ზე მეტ დამფუძნებელს და 2900-ზე მეტ კომპანიას, 80+ ქვეყნიდან. მისი პორტფოლიო მოიცავს 35-ზე მეტ კომპანიას, რომელთა ღირებულება 1 მილიარდ დოლარზე მეტია და 160+ კომპანიას, რომელთა ღირებულება 100 მილიონ დოლარს აღემატება (მათ შორის არის კერძო, საჯარო და “exited” კომპანიები). 500 Global-ის გუნდი 20-ზე მეტ ქვეყანაშია განთავსებული, რომლებსაც ანტეპრენერობის, ინვესტორობის და წამყვან ტექნოლოგიურ კომპანიებში მუშაობის გამოცდილება აქვთ.
მაკა ბოჭორიშვილი: ჩვენ ვაგრძელებთ მუშაობას იმისათვის, რომ ეუთო-ს მომავალი წლის თავმჯდომარეობაზე კონსენსუსი იყოს მიღწეული
ხაბეიშვილი მოსამართლეებზე - ეს აბსოლუტური სკუნსები, როგორ ბედავენ საქართველოს სახელით საუბარს?! ეს თვალებყლეპია ხალხი ანწუხელიძეს, საქართველოს რა უფლებით ასამართლებს?!
ბოჭორიშვილი კატარის საგარეო საქმეთა სახელმწიფო მინისტრს, სულთან ბინ საად ალ-მურაიხის შეხვდა
პროკურატურა - ღარიბაშვილის უფლებების შესაძლო დარღვევაზე გამოძიების დაწყების საფუძველი არ არსებობს
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: R (რეკლამა),



